ދެކުނުގެ ހަތަރު އަތޮޅުވެސް، ފެރީގެ ނިޒާމުން ގުޅައިލަނީ
އަންނަ އަހަރުގެ މެދުތެރޭގައި ދެކުނުގެ ހަތަރު އަތޮޅު އެމްޓީސީސީގެ ރާއްޖެ ޓްރާންސްޕޯޓް ލިންކް (އާރްޓީއެލް) ގެ ފެރީގެ ނިޒާމުން ގުޅުވައިލެވޭނެ ކަމަށް ޕްލޭނިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
މިނިސްޓަރު މިކަން ހާމަކުރެއްވީ ގއ. ދާންދޫ ބިން ހިއްކުން ނިމުން ފާހަގަކުރުމަށް ރޭ ބޭއްވި ޖަލްސާގައި ދެއްކެވި ވާހަކައިގައެވެ.
އާރްޓީއެލް ފެރީގެ ޚިދުމަތް، ރައްޔިތުންގެ މެދުގައި މަޤްބޫލުވަމުން އަންނަ މިންވަރަށް އަލި އަޅުވާލައްވައި، މިނިސްޓަރު ވިދާޅުވީ ހއ. އަތޮޅާއި ހދ. އަތޮޅާއި ށ. އަތޮޅުގެ އިތުރުން ޅ. އަތޮޅުގައި ފެށި މި ޚިދުމަތް، 70000 މީހުން ބޭނުންކޮށްފައިވާ ކަމަށެވެ.
"ދެން އަޅުގަނޑު މިހާރު އެމްޓީސީއާ އެކު މަސައްކަތް ކުރަމުން މި ގެންދަނީ ދެކުނުގެ ހަތަރު އަތޮޅުގައ މި ފެށޭ އަހަރުގެ މެދާ ހަމައަށް ދާންވާ އިރަށް މި ހިދުމަތް ގާއިމު ކުރުމަށް." މިނިސްޓަރު ވިދާޅުވިއެވެ.
އޭނާ ވިދާޅުވީ ހުރިހައި ކަމެއްވެސް ސަރުކާރުން ކުރައްވަނީ ރާއްޖެ ތަރައްޤީ ކުރުމުގެ ތަަސައްވުރެއް އޮވެގެން ކަމަށެވެ. އަތޮޅުތައް ތަރައްގީވެ ހިދުމަތްތައް ދެވެން ޖެހޭ ކަމަށާއި ލާމަރުކަޒީ ސިޔާސަތާ އެކީ އަތޮޅުތަކުން ކަންކަން ވާން ޖެހޭ ކަމަށްވެސް ވިދާޅުވިއެވެ.
ހުރިހާ މަސައްކަތެއް ކުރަނީ އާޒިމް އެމްޓީސީސީއިން. އަސްލަމް މެޑަލް ނުޖައްސަވާ. މަނިކުފާނަށް ނުވޭ ހަމަ އެއްކަމެއްވެސް އަދިއެއް.
ކޮބާ ގޯތި؟ ކޮބާ ފުލެޓް؟ ކޮބާ ބްރިޖް؟ ކޮބާ ފުލެޓް ފޯމުތައް؟ ވީއެއްކަމެއްވެސް އަސްލަމަށް ނެތް. އާޒިމް އެމްޓީސީސީ އަށް ޕްލޭނިންގ މިނިސްޓްރީ ހަވާލުކޮށްލަ.