މުޒާހަރާތަކުން މީހުން ހައްޔަރުކުރާތީ ނާޒިމްގެ ފާޑުކިޔުން ސަރުކާރަށް!
ސިޔާސީ ޙައްޤުތައް ތަންމިނަށް ހުޅުވައިލައިފައިވާ ކަމަށް ބުނެ، ސަރުކާރާއި ދެކޮޅަށް މުޒާހަރާ ކުރާފަރާތްތަކާއި ކުރިމަތިލުމަށް، ޙާލަތާ ނުބައްދަލު ބާރުގެ ބޭނުންކުރާކަމަށްކަމަށް ތުހުމަތު ކުރައްވައި، މޯލްޑިވްސް ނޭޝަނަލް ޕާޓީގެ ލީޑަރު އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު މުހައްމަދު ނާޒިމް ސަރުކާރަށް ފާޑުވިދާޅުވެއްޖެއެވެ.
އިދިކޮޅުން ސިލްސިލާކޮށް ބާއްވަމުންދާ އެއްވުންތަކުގެ ތެރެއިން، ރޭ ބޭއްވި އެއްވުމުގައި މީހުން ހައްޔަރުކުރަމުން ދިޔަ ވީޑިއޯއެއް ޓްވިޓާގައި ހިއްސާ ކުރައްވައި، ނާޒިމް ވިދާޅުވީ ސިޔާސީ އެއްވުންތަކުގައި ޙާލަތާ ނުބައްދަލު ބާރު ބޭނުންކޮށްގެން މީހުން ހައްޔަރުކޮށް އަދި އުމުރުން ދުވަސްވީ މީހުންނަށް ފުރައްސާރަކުރުމަކީ ވަރަށް ދެ ފުށްދެގޮތްކަން އަންގައިދޭ ހެއްކެއް ކަމަށެވެ.
"ސިޔާސީ ހައްގުތައް ތަންމިނަށް ހުޅުވި ބަހާރު މޫސުން އައިސްފައިވާ ކަމަށް ބުނާ ސަރުކާރަކުން، ސިޔާސީ އެއްވުންތަކުގައި ޙާލަތާ ނުބައްދަލު ބާރު ބޭނުންކޮށްގެން މީހުން ހައްޔަރުކޮށް އަދި އުމުރުން ދުވަސްވީ މީހުންނަށް ފުރައްސާރަކުރުމަކީ ވަރަށް ދެ ފުށްދެގޮތްކަން އަންގައިދޭ ހެއްކެއް" ނާޒިމް ވިދާޅުވިއެވެ.
ނާޒިމް މިހެން ވިދާޅުވީ، މީހުން ބަންދުނުކޮށް އަދި ހައްޔަރުވެސް ނުކޮށް ސަރުކާރު ހިންގޭނެކަން ދައްކަވަމުންދާކަމަށާއި ސިޔާސީ މިނިވަންކަން މިސަރުކާރުން ވަނީ ތައްމިނަށް ހުޅުވާލާފައިކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް ވިދާޅުވެފައިވަނިކޮށެވެ.
އިދިކޮޅު ފަރާތްތަކުން މާލޭގައި ސިލްސިލާ ގޮތެއްގައި މުޒާހަރާ ކުރަމުން އަންނައިރު، މި އެއްވުންތަކުގައި ބައިވެރިވާ ގިނަ ބަޔަކު ފުލުހުން ކޮންމެ ރެއަކުހެން ހައްޔަރު ކުރެއެވެ.
އެކަމަކު ރައީސްމީހާ ވިދާޅުވަނީ އެއްވެއުޅުމަކަށް ހުރަހެއްނެތޯޯ
އަޅެފަހެ އިބޫއަކީ ބީތާއެއްތޯޗެއް