ތުނީޝާގެ މަރު: އޭނާ މަރާލީ ކަމަށްވެސް ވެދާނެކަމަށް މަންމަ ބުނެފި
އިންޑިއާގެ މަޝްހޫރު ޓީވީ އެކްޓަރ ތުނީޝާ ޝަރުމާ އަމިއްލައަށް މަރުވީ ނޫންކަމަށާއި އޭނާ މަރާލީ ކަމަށް ވެދާނެކަމަށް އޭނާގެ މަންމަ ބުނެފިއެވެ.
"އަލީ ބާބާ" ސެޓުގެ ތެރެއިން ތުނީޝާ ދަންޖެހިފަ ހުއްޓާ ފެނިފައިވަނީ މިމަހުގެ 24 ވަނަ ދުވަހުއެވެ. އޭނާގެ މަރުގެ މައްސަލައިގައި ޓީވީ އެކްޓަރ އަދި ކުރީގެ ލޯބިވެރިޔާ ޝީޒާން މުހައްމަދު ހާން ހައްޔަރުކޮށް މައްސަލަ ސީރިއަސް މައްސަލައެއްގެ ގޮތުގައި ބަލަމުން އަންނަ އިރު އޭނާ ވަނީ މަރާލާފައިކަމަށް ވެދާނެކަމަށް ތުނީޝާގެ މަންމަ ވަނީތާ ޝަރުމާ ބުނީ އޭނާ ދަންޖެހިފައި ހުއްޓާ ފެނުނުމުން އޭނާގޮސްފައިވަނީ ދުރު ހޮސްޕިޓަލަކަށް ކަމަށްބުނެއެވެ.
"ތުނީޝާގެ މަރަކީ "ސުއިސައިޑް" އެއްކަމަށް ނުވެދާނެ. އަހަރެން މިހެން މިބުނަނީ އޭނާ ދަންޖެހިފައި ހުއްޓާ ފެނުމުން އޭނާ ގެންދިޔައީ މާ ދުރު ހޮސްޕިޓަލަކަށް. ފަސްވަރަކަށް މިނެޓުން ދެވޭ ހޮސްޕިޓަލެއް އެތާ ކައިރި ހުރި. އޭނާ ދަންޖެހިފައި ހުއްޓާ ފެނުނު އިރު ނޭވާލައި އެހެންވީމަ ކައިރި ހޮސްޕިޓަލަށް ގެންދިޔަ ނަމަ އޭނަ ސަލާމަތްވެސް ކުރެވިދާނެ ކަންނޭގެ" މީޑިއާތަކަށް މައުލޫމާތު ދެމުން ވަނީތާ ބުނެފައިވެއެވެ.
ތުނީޝާގެ މަރުގެ މައްސަލައިގައި ޝީޒާން ހައްޔަރުކޮށްފައިވާއިރު ޝީޒާން ކައިވެނި ކުރަން ބޭނުން ނުވާ ކަމަށް ބުނުމުން، މިދިޔަ ނޮވެމްބަރު މަހުން ފެށިގެން ތުނީޝާއަށް ޑިޕްރެޝަން ކުރިމަތިވި ކަމަށް ބުންޏެވެ.ދެ ތަރިންގެ ލޯބީގެ ގުޅުން ނިމުމަކަށް ގެނައި ނަމަވެސް، ޓީވީ ޝޯގެ މަސައްކަތުގައި އެކުގައި އުޅެމުން ދިޔަ އެވެ.
