މާލޭގެ އެއްވެސް ރައްޔިތެއް ބާކީ ނުކޮށްފުލެޓާއި ގޯތި ދޭނަށް، މިއީ ވޯޓައް ދައްކާ ވާހަކައެއްނޫން: ރައީސް
މާލޭގެ އެއްވެސް ރައްޔިތެއް ބާކީ ނުކޮށް ފުލެޓާއި ގޯތި ދޭނެ ކަމަށް ރައީސުލް ޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީ ކެމްޕެއިނުގެ ތެރެއިން ދަރުބާރުގޭގައި މާލޭގެ ރައްޔިތުންނާ މިރޭ ބައްދަލު ކުރައްވައި ވާހަކަފުޅު ދައްކަވަމުން ރައީސް ވިދާޅުވީ އެއްވެސް ސަރުކާރަކުން ނުހިންގާވަރުގެ ބޯހިޔާވަހިކަމުގެ މަޝްރޫއެއް މިސަރުކާރުން ފަށާފައިވާކަމަށާއި މުޅި ރާއްޖޭގައި 16000 ގޯއްޗާއި ފުލެޓާއި ރޯ ހައުސް އަޅަމުން އެބަ ގެންދާކަމަށެވެ. އަދި މާލެއަށް ހާއްސަކޮށްގެން 7000 ފްލެޓާއި 5000 ގޯތި ދިނުމުގެ މަޝްރޫއެއް ކުރިޔަށް ދާ ކަމަށް ރައީސް ވިދާޅުވިއެވެ.
"މާލެއަށް ހާއްސަކޮށްގެން 7000 އެތައް ފުލެޓަކާއި 5000 ގޯތި ދިނުމުގެ މަޝްރޫއު އެދަނީކުރިއަށް. ތިބޭފުޅުން ގަބޫލުކުރައްވާ އަޅުގަނޑު މިދައްކާ ވާހަކަ. މިއީ އޮޅުވާލައިގެން ވޯޓް ހޯދަން ދައްކާވާހަކައެއް ނޫން. ވޯޓަކާއި މިކަމަކާއި ނެތް ގުޅުމެއް. އިރާދަކުރެއްވިއްޔާ މިއަހަރުގެ މެދަށް އަންނަ އިރުގައި އަޅުގަނޑުއެވީ ވައުދާ އެއްގޮތައް މާލޭ ރައްޔިތުނަށް ގޯތި ކަނޑާފައި ދޭނަން" ރައީސް ވިދާޅުވިއެވެ.
ރައީސް ވިދާޅުވީ އެމަޝްރޫއުގައި މިހާރު ކުރެވެމުން ދަނީ މިހާރު ކުރެވެމުން އެދަނީ އިވެލުއޭޝަންގެ މަސައްކަތްކަމަށާއި އެމަސައްކަތް ވީހާވެސް ރަނގަޅަކަށް އެމަސައްކަތް ކުރާނެކަމަށެވެ. މީގެ އިތުރުން މި ސަރުކާރުން އަޅަން ފެށި ފްލެޓުތައް ވެސް މި ދައުރުގެ ތެރޭގައި ނިންމައި، މާލެ ރައްޔިތުންނަށް ދިރިއުޅެވޭ ވަރު ކުރާނެ ކަމަށް ވެސް ރައީސް ވިދާޅުވިއެވެ.
ރައީސް ޞާލިޙް މިފަދައިން ވިދާޅުވެފައިވާއިރު، މާލޭގެ ރައްޔިތުންނަށް ގޯތި ނުދޭތީ، ޕްރައިމަރީގައި ރައީސް ޞާލިޙްގެ ވާދަވެރި ކެނޑިޑޭޓް ރައީސް ނަޝީދު ވަނީ ރައީސް ޞާލިޙަށް ފާޑު ވިދާޅުވެފައެވެ. މިގޮތުން ގޯތިތައް އޮތީ ކަނޑުގެ އަޑުގައި ކަމަށް ވިދާޅުވެ، އެކަން ކުރެއްވޭނެތޯ ސުވާލު އުފެއްދެވިއެވެ.
ރައީސް އިބްރާހިމް މުހައްމަދު ޞާލިހު ވަނީ މާލޭގެ ރައްޔިތުންނަށް 5000 ގޯތި ދެއްވާނެ ކަމަށް ވައުދުވެ ވަޑައިގެންފައެވެ. އެގޮތުން ހުޅުމާލެއިން 1000، ގުޅީ ފަޅުން 2000 އަދި ގިރާވަރު ފަޅު ހިއްކައިގެން 2000 ގޯތިދެން ވަނީ ކަނޑައަޅައިފައެވެ.
މި ސަރުކާރުން އަޅަން ފެށި ފްލެޓުތައް ވެސް މި ދައުރުގެ ތެރޭގައި ނިންމައި، މާލެ ރައްޔިތުންނަށް ދިރިއުޅެވޭ ވަރު ކުރާނެ ކަމަށް ވެސް ރައީސް ވިދާޅުވި އެވެ.
"ފްލެޓުގެ ވާހަކަ އެހެން ބޭފުޅަކު ދައްކަވާނެ ކަމެއް ނެތް. މިއީ މިކަން އޮތް ގޮތް." ރައީސް ވިދާޅުވިއެވެ.
މާލޭގެެ ރައްޔިތުންނައްް ގޯތިދިނުމަކީީ އިބޫއައްކުރެވޭނެކަމެއްނޫންް އެއައްވުރުު އިބޫގެެ އިމިއްލައެދުންފުޅާާ އަމިއްލަފައިދާއައްް ގޯތިމީހުންނައްް ފަހަރެއްގަަ ގޯތިދީފާނެެ އެކަމަކުު މާލޭމީހުންނައްް ތިއިބޫއެއްް ގޯއްޗެއްގެެ ކަނެއްވެސްނުދޭނެެ ފުރަރަމަަ ގޯތިދިނީމާާ ގަބޫލުކުރާނީއެހެންނޫނީީ ވޯޓްހޯދަންދަމާގުއިރޯނެއްް ތިގުއިރޯބުންް މިފަހަރުު ރައްޔިތުންސަލާމަތްވާންދަސްކޮއްފިި
އެހެންވީމާ ވޯޓް ހޯދަން ހަމަ އެކަނި މާލޭ މީހުން ކައިރިއަށްދޭ… ރާއްޖެތެރޭ މީހުމް ކައިރިއަށް ވޯޓް ހޯދަން ނާންނާތި!