އެމްޑީޕީއަށް ކާމިޔާބުވާން އޮތީ ކޯލިޝަން ހެދޭނެ ބޭފުޅަކާއެކު : މަވޯޓާ ޝަރީފް
އެމްޑީޕީ އަށް ރިޔާސީ އިންތިހާބު ކާމިޔާބު ކުރެވެން އޮތީ ކޯލިޝަން ހަދަން ޖެހުނަސް އެކަން ކުރެވޭނެ ފަދަ ބޭފުޅެއް ޕްރައިމަރީ ކާމިޔާބުކޮށްގެން ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ ޝަރީފް) ވިދާޅުވެއްޖެއެވެ.
މަވޯޓާ ޝަރީފް ވިދާޅުވީ އިންތިހާބު ކާމިޔާބު ނުކުރެވިއްޖެ ނަމަ އެމްޑީޕީއަނެއްކާވެސް ޖެހޭނީ މަގުމަތިވާން ކަމަށެވެ.
"އެމްޑީޕީއަށް ރިޔާސީ އިންތިހާބު ކާމިޔާބު ކުރެވެން އޮތީ ތަފާތު ފިކުރުގެ ސިޔާސީ ލީޑަރުންނާއެކު ކޯލިޝަން ޖެހުނަށް އެކަން ކުރެއްވޭނެ ބޭފުޅަކަށް ޕްރައިމަރީ ކާމިޔާބު ވެގެން. އެހެންނޫނީ އަނެއްކާވެސް އެމްޑީޕީ ޖެހޭނީ ކުރިއަށް އޮތް 5 އަހަރު މަގުމަތިވާނެ" މަވޯޓާ ޝަރީފް ވިދާޅުވިއެވެ.
ޝަރީފް މިހެން ވިދާޅުވިއިރު އެމްޑީޕީގެ ރިޔާސީ ޕްރައިމަރީ އަށް މިހާރު ކުރައްވަމުން ގެންދަވާ ކެމްޕޭނުގައި ރައީސް އިބްރާޙިމް މުހައްމަދު ޞާލިހް ދަނީ ކޯލިޝަން ނުހަދައި ވެރިކަމަށް ހޯދުމަކީ ރާއްޖޭގެ ސިޔާސީ މަޝްރަހު އޮތްގޮތުން ކުރެއްވޭނެ ކަމެއް ނޫންކަމަށް ވިދާޅުވެފައެވެ. އެހެންނަމަވެސް ކުރީގެ ރައީސް ނަޝީދު ދަނީ ކޯލިޝަން ހެދުމާއި ދެކޮޅަށް ވާހަކަފުޅު ދައްކަވަމުން ކަން ފާހަގަކޮށްލެވެއެވެ.
އެމްޑީޕީހަލާކުކުރަނީީ މަވޯޓާމެންކަހަލަމީހުންް