ޖިހާދާއި މުނައްވަރު މިއަދު ސާބިތު ކޮށްދިނީ ރައީސް ޔާމީނު ކަން ކުރީ ކަން ކުރަން އެނގިގެން ކަން
ރައީސް އަބްދުﷲ ޔާމީންގެ ސަރުކާރުގެ ދެ ފިނޭންސް މިނިސްޓަރުން ކަމުގައިވާ އަބްދުﷲ ޖިހާދާއި އަޙުމަދު މުނައްވަރު މިއަދު މަޖިލީހުގައި ސާބިތުކޮށް ދެއްވީ އެނގުމާ ނޭނގުމުގެ ހުރި ތަފާތު ކަމަށް ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އަދުރޭ މިހެން ވިދާޅުވީ ސަރުކާރުގެ ދަރަންޏާ ގުޅޭ ގޮތުން، ބޭއްވި މުޅި މަޖިލީހުގެ ކޮމިޓީގެ ބައްދަލުވުމަށް ޖިހާދުގެ އިތުރުން މުނައްވަރާއި މިހާރުގެ ފިނޭންސް މިނިސްޓަރު އިބްރާހިމް އަމީރު ވެސް ހާޒިރުކުރުމާ ގުޅިގެންނެވެ.
މިކަމާ ގުޅިގެން އަދުރޭ ކުރެއްވި ޓްވީޓެއްގައި ވިދާޅުވީ އެ ދެ ބޭފުޅުން މިއަދު ސާބިތުކޮށްދެއްވީ ރައީސް ޔާމީނުގެ ސަރުކާރުން ކަން ކުރީ ކަން ކުރަން އެނގިގެންކަން ކަމަށާއި އަދި އެމް.ޑީ.ޕީ ސަރުކާރަށް ވާނުވާ ނޭނގޭ ކަން ކަމަށެވެ.
ރައްޔިތުން މަޖިލީހުގައި މިއަދު ވާހަކަ ދައްވަކަމުން ޖިހާދު ވިދާޅުވި ގޮތުގައި، އެ މަނިކުފާނުގެ ފިނޭންސް މިނިސްޓަރު ކަމުގައި ޗައިނާ އިން ލޯނު ނަގަން ނިންމީ ދުނިޔޭގެ އެއްވެސް ތަނަކުން އެހާ ލުއިކޮށް ލޯނު ލިބެން ނެތުމުން ކަމަށެވެ.
