ރައީސް ވިދާޅުވަނީ ރިޔާސީ އިންތިޚާބު މާ ފަސޭހައިން ކާމިޔާބު ކުރެވޭނެ ކަމަށް
މި އަހަރުގެ ރިޔާސީ އިންތިޚާބު ކާމިޔާބު ކުރެވޭނެކަން ޔަޤީން ކުރައްވާ ކަަމަށް ރައީސް އިބްރާހީމް މުޙައްމަދު ޞާލިޙު މިރޭ ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީން ބޮޑު ތަފާތަކުން، ރައީސް މުޙައްމަދު ނަޝީދުގެ މައްޗަށް ކުރި ހޯއްދެވުމަށްފަހު، ރައީސް ޞާލިޙު ވިދާޅުވީ، މި އިންތިޚާބަށްވުރެ ފަސޭހައިން، 2023 ކާމިުާބު ކުރެވޭނެކަން ޔަޤީންވާ ކަމަށެވެ.
ރައީސް އިތުރަށް ވިދާޅުވީ އެމަނިކުފާނު ދެންވެސް ކުރިއަށް ވަޑައިގަންނަވާނީ ޕާޓީއާއެކުގައި ކަމަށާއި، އެކުގައި މަސައްކަތް ކުރުމަށް ވާދަވެރިންނަށްވެސް ދަޢުވަތު އަރުވާނެ ކަމަށެވެ. ރައީސް އިޝާރާތް ކުރެއްވީ، އެމަނިކުފާނުގެ ވާދަވެރި ކެންޑިޑޭޓް، ރައީސް ނަޝީދަށެވެ.
ޕްރައިމަރީ ކާމިޔާބު ކުރެއްވުމުން މި އަހަރު ބާއްވާ ރިޔާސީ އިންތިޚާބުގެ އެމްޑީޕީގެ ރިޔާސީ ޓިކެޓް ރައީސްއަށް މިހާރު ވަނީ ކަށަވަރުވެފައެވެ.
އެމްޑީޕީ ރިޔާސީ ޕްރައިމަރީގެ ވޯޓުލުން ކުރިއަށް ގެންގޮސްފައިވަނީ ހެނދުނު 9 އިން ހަވީރު 5 ޖެހުމާ ހަމައަށެވެ.
