ދިވެހިންގެ ފަރާތުން އެހީގެ ގޮތުގައި ދިނުމަށް ފޯކަސް އަކީ ދިގުމުއްތަކަށް ބޭނުންކުރެވޭ އެއްޗެހި:އައިއޭސީ
ދިވެހިންގެ ފަރާތުން ތުރުކީގައި ހާލުގައި ޖެހުނު މީހުނަން ކޮންމެ ދުވަހަކު 50 ހާސް ހޮޓްމީލް ޕެކް ދީފައިވާކަމަށާއި އެހެންނަމަވެސް މިހާރުގެ ފޯކަސް އަކީ ދިގުމުއްދަތަކަށް ބޭނުން ކުރެވޭ އެއްޗެހި ދިނުންކަމަށް އިންޓަރނޭޝަނަލް އެއިޑް ކެމްޕޭން (އައިއޭސީ) އިން ބުނެފިއެވެ.
ތުރުކީގައި މިހާރު ހަރަކާތްތެރިވަމުން އަންނަ އައިއޭސީ ޓީމްގެ ފަރާތުން އެޓީމުގެ އިންޓަރނޭޝަނަލް ރިލޭޝަން ޑައިރެކްޓަރ މުހައްމަދު އަލީ "ދެން" އަށް ވިދާޅުވީ އެންމެ ފުރަތަމަ ދުވަހުން ފެށިގެން ހޮޓް މީލް ޕެކްސް ވާނީ ފޯރުކޮށްދީފައިކަމަށެވެ.
"މިހާތަނަށް އަޅުގަނޑުމެން ވާނެ އެންމެ ފުރަތަމަ ދުވަހުން ފެށިގެން ހޮޓް މީލް ޕެކްސް އަޅުގަނޑުމެންނަކީ އަބަދުވެސް ހޮޓް މީލް ޕެކްސް އަޅުގަނޑުމެންގެ ޕާރޓްނާރސް މެދުވެރިކޮށް ފޯރުކޮށްދެމުން އައި ބައެއް ތުރުކީގައި އަޅުގަނޑުމެންގެ ޕާރޓްނާ އޯގަނައިޒޭޝަންގެ ބަދިގެ ހުންނާނެ. އެތަން ތަނުގެ ޕާރޓްނާ އޯގަނައިޒޭޝަނުން ވަނީ ކޮންމެ ދުވަހަކު 50 ހާސް ހޮޓްމީލް ޕެކް ފޯރުކޮށްދީފައި އަޅުގަނޑުމެންގެ ބައިވެރިވުންވެސް އޭގައި އޮންނާނެ" މުހައްމަދު އަލީ ވިދާޅުވިއެވެ.
މުހައްމަދު އަލީ ވިދާޅުވި ގޮތުގައި ދިރިހުރި ފުރާނައެއް ފެނުމުގެ އުއްމީދު ކުޑަވުމާއެކު މިހާރު ވަނީ "ސާރޗް އެންޑް ރެސްކިއު" ގާތްގަނޑަކަށް ނިމިފައިކަމަށާއި އެހެންކަމުން އައިއޭސީ ފޯކަސްވެސް ދެން އޮތީ ކުރިއަށް އޮތް ސާރޗް އެންޑް ރިކަވަރީ އަދި ރީ ބިލްޑިން ފޭސް އަށް ކަމަށެވެ. އަދި މިފޭސްގައި މިހާރު ހާލުގައި ޖެހިފައިވާ މީހުންނާއި ޑިސްޕްލޭސް ވެފައ ތިބި ރައްޔިތުންނަށް ޕާރމަނަންޓް ގޮތެއްގައި ނުވަތަ ދިގު މުއްދަތަކަށް އެމީހުންގެ ދިރިއުޅުމަށް ފަސޭހައެއް ނުވަތަ ބަދަލެއް ގެނުވާނެ ކަހަލަ ކަންކަން ކޮށްދިނުމުގެ މަސައްކަތް ކުރަމުން އަންނަކަމަށް އޭނާ ވިދާޅުވިއެވެ.
"ބޮޑަށް ފޯކަސް ކުރާނީ ހަމައެކަނި ކާބޯތަކެތި ދިނުމުގެ ބަދަލުގައި މިހާތަނަށް އަޅުގަނޑުމެން ވާނެ އެންމެ ފުރަތަމަ ދުވަހުން ފެށިގެން ހޮޓް މީލް ޕެކްސް އަޅުގަނޑުމެންނަކީ އަބަދުވެސް ހޮޓް މީލް ޕެކްސް އަޅުގަނޑުމެންގެ ޕާރޓްނާރސް މެދުވެރިކޮށް ފޯރުކޮށްދެމުން އައި ބައެއް ތުރުކީގައި އަޅުގަނޑުމެންގެ ޕާރޓްނާ އޯގަނައިޒޭޝަންގެ ބަދިގެ ހުންނާނެ. އެތަން ތަނުގެ ޕާރޓްނާ އޯގަނައިޒޭޝަނުން ވަނީ ކޮންމެ ދުވަހަކު 50 ހާސް ހޮޓްމީލް ޕެކް ފޯރުކޮށްދީފައި އަޅުގަނޑުމެންގެ ބައިވެރިވުންވެސް އޭގައި އޮންނާނެ." މުހައްމަދު އަލީ ވިދާޅުވިއެވެ.
އޭނާ އިތުރަށް ވިދާޅުވީ ބިންހެލުމުގެ ސަބަބުން ސީރިއާގައި ހާލުގައި ޖެހިފައިވާ ފަރާތްތަކަށް އެއްމަސްދުވަހަށް ވާވަރަށް ކާނާ ފޯރުކޮށްދީފައިވާ ކަމަށާއި ގެދޮރު ނެތިފައި ތިބި ރައްޔިތުންގެ ދިރިއުޅުން އާރާސްތު ކުރުމަށް އެހީތެރިވުމަށް ފޯކަސް ކުރާކަމަށެވެ. މުހައްމަދު އަލީ ވިދާޅުވީ މިހާރު ސާރޗް އެންޑް ރެސްކިއު ނިމިފައި ވާތީ ރާއްޖެއިން ދިޔަ ޓީމު، އަނބުރާ އައުމުގެ މަސައްކަތް މިހާރު ކުރަމުން އަންނަކަމަށެވެ. އެހެންނަމަވެސް އިންޓަރނޭޝަނަލް އެއިޓް ކެމްޕޭނުންގެ ޕާރޓްނާރސް އޯގަނައިޒޭޝަނުގެ ސްޓާފުންނާއި ވޮލެންޓިއަރުން ތުރުކީ އާއި ސީރިއާގެ ގްރައުންޑްގައި މަސައްކަތް ކުރާނެކަމަށް މުހައްމަދު އަލީ ވިދާޅުވިއެވެ.
