ބޭންކުން ފައިސާ ގެއްލެނީ ކަސްޓަމަރުންގެ ފަރުވާކުޑަކަމުން: މަވޯޓާ
ބޭންކު އޮފް މޯލްޑިވްސްގެ އެކައުންޓުތަކުން ފައިސާ ގެއްލެނީ ކަސްޓަމަރުންގެ ފަރުވާ ކުޑަކަމުން ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފު (މަވޯޓާ) ވިދާޅުވެއްޖެއެވެ.
ބޭންކް އޮފް މޯލްޑިވްގައި ހުޅުވާފައިވާ އާއްމުންގެ އެކައުންޓުތަކުން ވެރިފަރާތަށް ނޭނގި ފައިސާ ކެނޑެމުންދާ މައްސަލަ ސަރުކާރުގެ ސަމާލުކަމަށް ގެނައުމަށް މިއަދު މަޖިލީހަށް ހުށަހެޅި ކުއްލި މައްސަލައަށް ބަހުސް ކުރައްވަމުން ޝަރީފު ވިދާޅުވީ ބޭންކުގައި އޭނާގެ 6 އެކައުންޓު އޮންނަ ކަމަށާއި ދުވަހަކުވެސް ފައިސާ އެއް ގެއްލިފައިނުވާކަމަށެވެ
"ހަ އެކައުންޓަށް ވުރެ ގިނަ އެކައުންޓު އެބައޮތް އެކަމަކު އެއިން އެކައުންޓަކުން ބައިރުފިޔާއެއްވެސް ނުގެއްލޭ. އޭކީއްވެގެންތޯ އެނުގެއްލެނީ އަޅުގަނޑު އަޅުގަނޑު ހިންގާ މުއާމަލާތްތަކުގެ ސެކިއުއާ ސައިޓުތަކަށް ނޫނިއްޔާ ޕޭ ނުކުރަން އަޅުގަނޑުގެ ނަންބަރު ބާޒާރަށް އުކައެއް ނުލަން. އަޅުގަނޑު އެކި ތަފާތު ކޮމްޕްރޮމައިޒް ސައިޓުތަކަށް ނުވަންނަން ޕޭ ނުކުރަން ސީކިއުއާ ސަައިޓަކުން ނޫނީ އަޅުގަނޑު ބައިނަލް އަގުވާމީ ވިޔަފާރިއެއް ނުކުރަން އެހެންވީމަ އެކަންކަމަށް ކަސްޓަމަރުންވެސް އެބަ ޖެހޭ ސަމާލުވާން ހަގީގަތުގައި ރަނގަޅަށް ބަލައިފިއްޔާ މިއިން ކޮންމެ ފައިސާއެއް ގެއްލިފައި މިހުންނަނީ ކަސްޓަމަރުންގެ ފަރުވާ ކުޑަކަމުން. މިއީ ހަގީގަތް" ޝަރީފު ވިދާޅުވިއެވެ
ޝަރީފު ވިދާޅުވީ އެކި ފާޑުފާޑުގެ ކޮމްޕްރޮމައިޒް ސައިޓުތަކަށް އެކައުންޓު ކޮމްޕްރޮމައިޒްވާ ގޮތަށް ބައެއް މީހުން ވަދެގެން އެތަންތަނުން ފައިސާ ކެނޑީމާ ދިމާވާ މައްސަލައަކީ މުޅިއެކުން ބޭންކުގެ ޒިއްމާއެއް ނޫންކަމަށެވެ.
މީގެއިތުރުން ޝަރީފު ވިދާޅުވީ ބޭންކު އެކައުންޓުތަކުން ފައިސާ ކެނޑޭ މައްސަލަ ސިޔާސީކޮށްގެން ދެއްކުމަކީ ހިތާމަ ހުރި ކަމެއްކަމަށެވެ.
"ބޭންކުން ފިޔަވަޅެއް ނާޅާނީއޭ ކިޔައި ސިޔާސީ ކޮށްގެން މިވާހަކަ ދައްކާކަމީ ވަރަށް ހިތާމަވެރި ކަމެއް. ބޭންކުން އިތުބާރު ގެއްލުވާލަން ބަޔަކު ހިނގާ ސޯޝަލް މީޑިއާ ކެމްޕޭނެއްގައި މިމަޖިލީސް އޭގެ ދަޅައިގައި ޖެހިގެން މިއީ ސިޔާސީ ގޮތުން ތިމަންމެނަށް ފަހި ފުރުސަތެއް ކަމުގައި ދެކިގެން ބޭންކުގެ އިތުބާރު ނަގާލަން މިކުރެވޭ މަސައްކަތުގައި އިއްޒަތްތެރި މެމްބަރުންގެ ތެރެއިން ގިނަ މެމްބަރުން ބައިވެރިވާކަން އަޅުގަނޑު ކުށްވެރިކުރަން" ޝަރީފު ވިދާޅުވިއެވެ
ޝަރީފު އިތުރަށް ވިދާޅުވީ މިގޮތަށް މިކަން ކޮށްފި ނަމަ މުޅިރާއްޖޭގެ އިގްތިސާދު ސުންނާފަތިވުމުގެ ފުރުސަތު ވަރަށް ބޮޑުކަމަށާއި ދިވެހިރާއްޖޭގައި އޮތް ރައްޔިތުންގެ ބޭންކް ބަނގުރޫޓުވެ އިނދަޖެހުމުގެ ފުރުސަތު ވަރަށް ބޮޑުކަމަށެވެ. އަދި މިއީ ވަރަށް ފުންކޮށް ވިސްނާލަން ޖެހޭ ކަމެއްކަމަށް ޝަރީފު ވަނީ ފާހަގަކުރައްވާފައެވެ.
ބެންކުގެދެމަފިރިންވައްކަންކޮށްބޭރަށްލާރިގަނޑުހިފައިގެންދިޔައީއަހުރެނެންގެއިހުމާލުންތަކަލޭމޮޔަނުވޮވާ
މިއީ އައްޑޫ ދަންނަކަލޭފާނު.ޔާމީނުގެ ސަރުކާރުނަމަ،ބޭންކް ކުއްވެރިވާނެ.އާވައްތަރެއްގެ ރޯނުއެދުރެއް.ސަރުކާރުދިފާޢުކުރުމާ،ސަނާކިއުން މައިގަނޑު މަސައްކަތަކީ.
މިހާރު މިބޭފުޅާ ސިކުނޑި ރަނގަޅުހެން ހީނުވޭ