މޯލްޑިވިއަންގެ ޓިކެޓްގެ އަގުތައް އަނެއްކާވެސް ބޮޑުކޮށްފި

ރާއްޖޭގެ ގައުމީ އެއާލައިން މޯލްޑިވިއަން އިން ޓިކެޓް އަގު އަނެއްކާވެސް ބޮޑުކޮށްފިއެވެ.

Ads by Sosun Fihaara

މީގެ ހަ މަސް ކުރިންވެސް މޯލްޑިވިއަން އިން ވަނީ ޓިކެޓްގެ އަގަށް ބަދަލު ގެނެސްފައެވެ. މައުލޫމާތު ލިބިފައިވާ ގޮތުގައި ޓިކެޓުގެ އަގު މި ފަހަރު ބޮޑުކުރީ އެއާޕޯޓްތަކުގެ ގްރައުންޑް ހޭންޑްލިން ފީ ބޮޑުކުރަން ނިންމުމާ ގުޅިގެންނެވެ.

ޓިކެޓަށް ގެނައި ބަދަލަށް ބަލާއިރު އެންމެ އަގުބޮޑު ވެފައިވަމީ ކާޑެއްދު އަށް ކުރާ ދަތުރުތަކަށެވެ. އެގޮތުން 222 ރުފިޔާއަށް ގެ ބޮޑުވުމާ އެކު އެ ސަރަހައްދަށް ދެކޮޅު ޓިކެޓެއްގެ އަގަކީ 3،385ރުފިޔާއެވެ. މީގެ އިތުރުން މާލެއިން އައްޑޫއަށް ދެން ދަތުރުކުރެވޭނީ 1687 ރުފިޔާއަށެވެ.

މޯލްޑިވިއަންގެ ޓިކެޓްގެ އަގު ބޮޑުކޮށްފައިވާއިރު އެއާޕޯޓް ގްރައުންޑް ހޭންޑްލިން ފީ އަށް މިހާރު ނަގާ އަގުތަކަށް ގާތްގަނޑަކަށް 10 ޕަސެންޓް އިތުރުކުރަން ރީޖަނަލް އެއާޕޯޓުން ވަނީ ނިންމައިފައެވެ.