ރިޔާސީ ޓިކެޓަށް ޤާސިމް ޝަރުތު ހަމަވާ ކަމަށް ނިންމައިފި
މިއަހަރު ބާއްވާ ރިޔާސީ އިންތިހާބުގައި ޖުމްހޫރީ ޕާޓީގެ ފަރާތުން ވާދަކުރާނެ ކެންޑިޑޭޓަކީ އެ ޕާޓީގެ ލީޑަރު ގާސިމް އިބްރާހިމް ކަމަށް ޖޭޕީގެ ކައުންސިލުން މިއަދު ފާސްކޮށްފިއެވެ.
ރިޔާސީ އިންތިހާބުގައި ވާދަކުރަން ނިންމައި ޖޭޕީން ރިޔާސީ ޕްރައިމަރީ އަށް ހުޅުވާލުމުން ކުރިމަތިލެއްވީ ގާސިމް އެކަންޏެވެ.
މިއަދު ބޭއްވި ޖޭޕީގެ ކައުންސިލް ބައްދަލުވުމުގައި ވަނީ ރިޔާސީ އިންތިހާބުގައި ޖޭޕީގެ ރިޔާސީ ޓިކެޓްގައި ވާދަކުރައްވާނީ ގާސިމް ކަމަށާއި އަދި އެމަނިކުފާނު ކެންޑިޑޭޓު ކަމަށް ޝަރުތު ހަމަވާ ކަމަށް ވަނީ ފާސްކޮށްފަ އެވެ.
ރިޔާސީ އިންތިހާބުގައި ވާދަކުރަން ސަރުކާރު ކޯލިޝަނުގައި ހިމެނޭ ޖޭޕީން ނިންމީ ކޯލިޝަން ހަދަން އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ސޯލިހު ދައުވަތު ދެއްވާފައިވަނިކޮށެވެ.
ރިޔާސީ އިންތިހާބާ ގުޅޭގޮތުން ގާސިމް ދާދިފަހުން ވަނީ ސަރުކާރު ކޯލިޝަނުގައި ހިމެނޭ އެމްއާރްއެމް އާއި ޖަމިއްޔަތުއްސަލަފް އާއި ބައްދަލުކޮށް މަޝްވަރާކޮށްފަ އެވެ. އަދި އެމްޑީޕީގައި އޮތް އެ ޕާޓީގެ ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަނާއެކު ކޯލިޝަން ހެދުމަށް ވެސް ވަނީ މަޝްވަރާކޮށްފައެވެ.
ރިޔާސީ އިންތިހާބު އޮންނާނީ އަންނަ ސެޕްޓެމްބަރު މަހުގެ 9 ވަނަ ދުވަހުއެވެ.
އަސްލުވެސް ހަމަވޭތަ؟ ޝަރުތު ހަމަވިޔަސް ބޯ ހަމައެއް ނޫން! އިލްހާމްމެނަށް ބޯ ކާލެވޭ ވިއްޔަ! ގާސިމް އަތުން ލާރިތަކެއް މިވެރިން ހޯދާނެ! ވިސްނޭ މީހަކު ވިއްޔާ އެދުވަނީ ދުރަށް!