ރައީސް ޞާލިޙުގެ ކެމްޕެއިނަށް އެމްޑީއޭގެ ޖަގަހަ ތައްޔާރު: ރަފިއްޔާ
ރައީސް އިބްރާހީމް މުޙައްމަދު ޞާލިޙުގެ ކެމްޕެއިނަށް، އެމްޑީއޭގެ ޖަގަހަ ތައްޔާރު ކަމަށް އެ ޕާޓީގެ ނައިބު ރައީސް ޑރ.ޢައިޝަތު ރަފިއްޔާ ވިދާޅުވެއްޖެއެވެ.
އޭނާ މިހެން ވިދާޅުވީ، އާޓިފިޝަލް ބީޗު ސަރަޙައްދުގައި ހުންނަ އެމްޑީޕީގެ މައި ހަރުގެ ހުސް ކުރަން އެންގުމާ ގުޅިގެން، ރޭގެ ވަގުތެއްގައި ކުރެއްވި ޓްވީޓެއްގައެވެ.
ރަފިއްޔާ ވިދާޅުވީ އެކަމާ ހާސްވާން ނުޖެހޭނެ ކަމަށާއި ޖެހިގެން ހުރި އެމްޑީއޭގެ ޖަގަހަ ރައީސް ޞާލިޙުގެ ކެމްޕެއިނަށް ތައްޔާރު ކަމަށެވެ. އޭނާ މިހެން ވިދާޅުވިއިރު އެމްޑީއޭއިން ވަނީ މި އަހަރުގެ ރިޔާސީ އިންތިޚާބަށް އެމްޑީޕީއާއެކު ކޯލިޝަން ހަދައިފައެވެ.
އެމްޑީޕީގެ ޑެޕިއުޓީ ޗެއާޕާސަން އިބްރާހިމް ވަޙީދު ވިދާޅުވީ އެ ޕާޓީގެ މައި ހަރުގެ ހުންނަ ގޭގެ ވެރި ފަރާތުން އެ ބިމުގައި އިމާރާތެއް ކުރަންވެގެން އެ ބިން ހުސްކޮށްދިނުމަށް އެދިފައިވާ ކަމަށާއި އެގޮތުން ޕާޓީގެ މައި ހަރުގެ ހަދަން އެހެން ބިމެއް ހޯދަން މަސައްކަތް ކުރަމުންދާ ކަމަށެވެ.
ނަމަވެސް ހަރުގެ ބަދަލުކުރާނެ އެހެން ބިމެއް މިހައިތަނަށް ލިބިފައިނުވާތީ އާ ބިމެއް ލިބެންދެން މިހާރު ހުރި ބިމުގައި ހަރުގެ ހިންގޭނެ ގޮތެއް ހޯދަން ގޭގެ ވެރިފަރާތާއެކު މަޝްވަރާ ކުރަމުން އަންނަ ކަމަށް ވެސް އިބްރޭ ވިދާޅުވިއެވެ.
އެމްޑީޕީގެ ހަރުގެ ހަދާފައި ހުންނަނީ އެ ޕާޓީގެ އިސް އެކްޓިވިސްޓެއް ކަމަށްވާ ޝަފީޢާ ޒުބައިރުގެ ގޭގައެވެ. އޭނާ ޮނިސްބަތްވަނީ އެމްޑީޕީގެ ރައީސް މުޙައްމަދު ނަޝީދުގެ ފެކްޝަނަށެވެ.
މަންޖެގެ ދެފަާ ރަނގަޅު
މީނަ ހިތުން ވަރަށް މިނިސްޓަރުކަން ބޭނުންވެގެން ދޯ މި ގައުމުގެ ގައްދާރަށް މިގޮވާ ނަގަނީ.
ރަފިއްޔާމެންނަކީ ތަނދޮރު ދަންނަ މުނާފިގުން ލާދީނީ ވިޔަސް ބޮޑުވަރު އަމިއްލަ އެދުމުން ފޮވެފަ ކަރުބުޑުގަ އަދި ހިތި ރަހަ ލާނެ