ނޫސްވެރިންނަށް ސަރުކާރުން ކަންކަން ސިއްރުކުރުމަކީ ނޫސްވެރިކަމުގެ މިނިވަންކަމަށް އަރައިގަތުން: ނާޒިމް
ނޫސްވެެރިންނަށް ސަރުކާރުން ކަންކަން ސިއްރުކުރުމަކީ ނޫސްވެރިކަމުގެ މިނިވަންކަމަށް އަރައިގަތުންކަމަށް މޯލްޑިވްސް ނޭޝަނަލް ޕާޓީގެ ރައީީސް އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު ކާނަލް މުޙައްމަދު ނާޒިމް ވިދާޅުވެއްޖެއެވެ.
ނާޒިމް މިހެން ވިދާޅުވީ ދުނިޔޭގެ ނޫސްވެރިކަމުގެ މިނިވަންކަމުގެ ދުވަހުގެ މުނާސަބަތުގައި މިއަދު ކުރެއްވި ޓްވީޓެއްގައެވެ.
"ދުނިޔޭގެ ނޫސްވެެރިކަމުގެ މިނިވަންކަމުގެ ދުވަހުގެ ތަހުނިޔާ އެންމެހާ ނޫސްވެރިންނަށާއި އަދި މީޑިއާތަކައް ދަންނަވަން. ނޫސްވެެރިންނަށް ސަރުކާރުން ކަންކަން ސިއްރުކޮށް އަދި ގައުމީ ބޮޑެތި މައްސަލަތަކުގައި މަޢުލޫމާތު ފޯރުކޮށް ނުދީ ތިބުމަކީ، ނޫސްވެރިކަމުގެ މިނިވަންކަމަށް އަރައިގަތުން. ނޫސްވެރިން ހިތްވަރާއެކު ރައްޔިތުންނާއެކު ތިއްބަވާ!" ނާޒިމް ވިދާޅުވިއެވެ.
މިއަދު ފާހަގަ ކުރާ ދުނިޔޭގެ ނޫސްވެރިކަމުގެ މިނިވަން ކަމުގެ ދުވަހާއެކު، ނޫސްވެރިންނަށް ގިނަ ފަރާތްތަކުން ދަނީ ތަހުނިޔާ ފޮނުވަމުންނެވެ.
