ރައީީސް ޞާލިޙަކީ، ހިތްތިރި، ކެތްތެރި އަދި ހެޔޮލަފާ ވެރިއެއް: ޝާހިދު

ރައީސް އިބްރާހީމް މުޙައްމަދު ޞާލިޙަކީ ހެޔޮލަފާ، ކެތްތެރި ވެރިއެއް ކަމަށް ވިދާޅުވެ، ފޮރިން މިނިސްޓަރު ޝާހިދު، އެމަނިކުފާނަށް ތަޢުރީފު ކުރައްވައިފިއެވެ.

Ads by MWSC

އެމްޑީޕީގެ ތެރޭގައި ދެ ފެކްޝަން އުފެދި، ރައީސް މުޙައްމަދު ނަޝީދުގެ ފެކްޝަނުން، އައު ސިޔާސީ ޕާޓީއެއް އުފައްދަން މަސައްކަތް ކުރަމުން އަންނައިރު، ޝާހިދު ކުރެއްވި ޓްވީޓެއްގައި، ރައީސް ޞާލިޙުގެ ފޮޓޯއެއް ހިއްސާ ކުރައްވައި، އެމަނިކުފާނަކީ ހިތްތިރި، ކެތްތެރި، އޯގާތެރި، ހެޔޮލަފާ އަދި ރައްޔިތުން ދެކެ ލޯބިވާ ވެރިއެއް ކަމުގައި ވިދާޅުވިއެވެ.

ރައީސް އިބްރާހީމް މުޙައްމަދު ޞާލިޙް އަކީ ދިވެހިރާއްޖޭގެ ތާރީޚު އެކަމަށް ހެކިވާނެ ފަދަ ނަމޫނާ ވެރިއެއް." ޝާހިދު ވިދާޅުވިއެވެ.

ެރައީސް ޞާލިޙުގެ ރިޔާސީ ކެމްޕެއިން، އަންނަ މަހުގެ ކުރީކޮޅުގައި ފަށާނެއެވެ.

އެމްޑީޕީގެ ރިޔާސީ ކުރިއަށް އޮތް ރިޔާސީ އިންތިޚާބުގައި އެ ޕާޓީގެ ފަރާތުން ވާދަކުރައްވުމަށް، ރައީސް ޞާލިޙަށް، ރިޔާސީ ޓިކެޓް ހަވާލުކޮށްފައިވަނީ ފެބުރުއަރީ މަހުގެ ތެރޭގައެވެ.

ރައީސް ޞާލިހަށް އެމްޑީޕީގެ ރިޔާސީ ޓިކެޓް ލިބިފައިވަނީ އެމްޑީޕީގެ ރިޔާސީ ކެނޑިޑޭޓް ކަނޑައެޅުމަށް ބޭއްވި ޕްރައިމަރީ އެމްޑީޕީގެ ރައީސް މުހައްމަދު ނަޝީދުގެ މައްޗަށް ކުރި ހޯއްދަވައި ގެންނެވެ.

ޕްރައިމަރީގައި ރައީސް ޞާލިޙަށް 61 އިންސައްތަ ލިބިވަޑައިގެންފައިވާއިރު، އެއީ 24572 ވޯޓެވެ. ރައީސް ނަޝީދަށް ލިބިވަޑައިގަތީ 15631 ވޯޓާއެކު %39އެވެ.