އަޅުގަނޑު ވާނީ، ދީނާއި ޤައުމިއްޔަތު ދިފާޢު ކުރާނެ ވެރިޔަކަށް: ނާޒިމް
ރާއްޖޭގެ ވެރިކަން ލިބިވަޑައިގެންފިނަމަ، އޭނާ ވެވަޑައިގަންނަވާނީ، އިސްލާާމްދީނާއި ޤައުމިއްޔަތު ދިފާޢު ކުރައްވާނެ ވަރުގަދަ ޝަހްސިއްޔަތަކަށް ކަމަށް މޯލްޑިވްސް ނެޝަނަލް ޕާޓީ(އެމްއެންޕީ)ގެ ފަރާތުން، މި އަހަރުގެ ރިޔާސީ އިންތިޚާބުގައި ވާދަ ކުރައްވާ މުޙައްމަދު ނާޒިމް ވިދާޅުވެއްޖެއެވެ.
ސަންގު ޓީވީން ރޭ ގެނެސްދިން ޕްރޮގްރާމެއްގައި، އޭނާ ވެވަޑައިގަންނަވާނީ ކޮންކަހަލަ ރައީސަކަށްތޯ، ޕްރެޒެންޓަރު ސުވާލު ކުރުމުން، އެމްއެންޕީގެ ރައީސް ވިދާޅުވީ، ދިވެހި ޤައުމު އޭނާއަށް ވަރަށް ކަންތައް ކޮށްދީިފި ކަމަށާއި، މި ދަނޑިވަޅަކީ، އޭނާގެ ފަރާތްޕުޅުން ޤައުމަށް ޚިދުމަތް ލިބެންވީ ދަނޑިވަޅު ކަމަށެވެ.
ނާޒިމް ވިދާޅުވީ، ވެރިކަން ލިބިވަޑައިގެންފިނަމަ، ރާއްޖޭގެ މިނިވަންކަމާއި މަސްލަހަތަށް އިސްކަން ދެއްވާނެ ކަމަށެވެ.
"އަދި ހަމަ އެއާއެކުގައި އިންސާފު ޤާއިމު ކުރާނެ، އަދި ބޭއިންސާފާ ދެކޮޅަށް ވަރަށް ވަރުގަދައަށް ތެދުވާނެ މީހެއްގެ ގޮތުގައި އަޅުގަނޑު ވާނެ."
ނާޒިމްގެ ވާހަކައިގައި ސަރުކާރަށް ފާޑުވިދާޅުވެ، ރިޔާސީ އިންތިޚާބު ބޯމަތިވުމުން، މުވައްޒަފުންގެ މުސާރަ ބޮޑު ކުރާ ކަމަށް ވިދާޅުވެ، އެކަން އެގޮތަށް ކުރުމަކީ "ރިޝްވަތު" ދިނުން ކަމަށް ވިދާޅުވިއެވެ.
އެގޮތުން އިންތިޚާބެއް ކައިރިވެފައިވާ މިފަދަ ދުވަސްވަރެއްގައި ވޯޓު ހޯދުމަށްޓަކައި، ވަކި ބަޔެއްގެ މުސާރަ ބޮޑުކުރުމަކީ ކުރެއްވޭނެ ކަމެއް ނޫން ކަމުގައިވެސް ނާޒިމް ފާހަގަކުރެއްވިއެވެ. އަދި އެކަން އޮންނަ ގޮތަށް ބަލާއިރު ބަޖެޓްނުކޮށް އެކަން ކުރެއްވިގެންވެސް ނުވާނެކަމުގައި ނާޒިމް ވިދާޅުވިއެވެ.
އެމްއެންޕީގެ ރިޔާސީ ޓިކެޓު ނާޒިމަށް އެރުވުމަށްޓަކައި އަންނަ ހުކުރު ދުވަހުގެ ރޭ ހާއްސަ ޖަލްސާއެއް ބޭއްވުމަށް ވަނީ ހަމަޖެހިފައެވެ.
ކިހިނެއްތޯ އެހެންވާ.އިންޑިޔާއިން މިކެހޭ ބަލާވެރިކަމަކީ މަނިކުފާނު ޔާމީން ބޮލަށް އެރިގެން ކުރުވިކަމެއް.ދެން ކޮނދީނެއް ކޮން ގައުމިއްޔަތެއް މުޅި ތަން ފަސާދަކޮއްފި
މިސްކިތުގަ ޖަހާފަ ހުރި މުށިތަކުގަ ސޫރައެއް ހުރެގެން އެވާހަކަ އެކިފަރާތްތަކާއި އަހަރެންގެ ރައްޓެއްސަކު ހިއްސާކުރުމުންވެސް އެކަމާއަޅާލާނެ މީހަކު މިއުޅެނީ ނުފެނިގެން.