ހުޅުމާލެ ސާފުކުރުމުގެ ބޮޑު ޙަރަކާތެއް ހޮނިހިރުދުވަހު ފަށަނީ
ހުޅުމާލެ ސާފުކުރުމުގެ ބޮޑު ޙަރަކާތެއް އަންނަ ހޮނިހިރު ދުވަހު ހިންގަން އާބަންކޯއިން ނިންމައިފިއެވެ.
"ދުނިޔެ މަގޭ" ނަމުގައި އާބަންކޯއިން ތަޢާރުފުކޮށްފައިވާ ކެމްޕޭނަކީ ދުނިޔޭގެ ތިމާވެށްޓަށް ކުރިމަތިވަމުންދާ ބަދަލުތަކާއި ތިމާވެށި ރައްކާތެރި ކުރުމަށް ހޭލުންތެރިކަން އިތުރުކުރުމަށް ތަޢާރުފުކޮށްފައިވާ ކެމްޕޭނެކެވެ. މި ކެމްޕޭންގެ ދަށުން ގިނަ ކަންތައްތަކެއް މުޅި އަހަރަށް ބަހާލައިގެން ރާވާފައިވަކަމަށް އާބަންކޯއިން ބުނެއެވެ.
ހުޅުމާލެ ސާފުކުރުމުގެ ހަރަކާތް ފެށުމަށް ހަމަޖެހިފައިވަނީ ހޮނިހިރު ދުވަހުގެ ހެނދުނު 7:30 ގައި ޗެނަލް ޕާކު ބީޗު ސަރަޙައްދުންނެވެ.
އެ ސަރަހައްދުން ފެށިގެން ހުޅުމާލޭގެ ހަތް ސަރަޙައްދެއް ސާފުކުރަން ހަމަޖެހިފައިވެއެވެ. އެއީ ހުޅުމާލެ 1 އަދި ހުޅުމާލެ 2 ގައި މީހުން ދިރިއުޅޭ ސަރަހައްދުތަކެވެ.
އެ ދުވަހުގެ ހެނދުނު 10:45 ގައި ސާފުކުރުމުގެ ޙަރަކާތް ނިންމާލުން އޮންނާނީ ވޯޓަރ ސްޕޯޓްސް ހަރަކާތްތަކާ އެކުގައި ކަމަށް އާބަންކޯއިން ބުނެއެވެ.
