ރައީސް ނަޝީދު ކުޅުދުއްފުއްޓަށް ވަޑައިގެންފި

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކުޅުދުއްފުށި ސިޓީއަށް މިއަދު ވަޑައިގެންފިއެވެ.

Ads by STELCO

މަޖިލީހުން ވިދާޅުވީ ކުޅުދުއްފުށީ ސިޓީ ކައުންސިލަށް 2 އަހަރު ފުރުމުގެ މުނާސަބާގައި ބާއްވާ ޚާއްޞަ ރަސްމިއްޔާތުގައި ބައިވެރިވެވަޑައިގަތުމަށް ރައީސް ނަޝީދު ކުޅުދުއްފުއްޓަށް ވަޑައިގެންފައިވާ ކަމަށެވެ.

އެ ޖަލްސާ އޮންނާނީ މިރޭ ހދ އަތޮޅު ތައުލީމީ މަރުކަޒުގައެވެ.

ރައީސް ނަޝީދު ކުޅުދުއްފުއްޓަށް ވަޑައިގެންފައިވާއިރު އެމަނިކުފާނަށް ތާއީދުކުރައްވާ މެންބަރުން އިސްވެ ތިއްބަވައިގެން އުފައްދަވާފައިވާ ޕާޓީ “ދަ ޑިމޮކްރެޓްސް”އަށް ކުޅުދުއްފުށި ސިޓީ ކައުންސިލްގެ ހުރިހާ މެންބަރުން ވަނީ ސޮއިކުރައްވައިފިއެވެ.