ޖޭޕީއަށް ސަރުކާރުން ދޭންޖެހޭ ވަޒީފާތަކާއި، މަޤާމުތަކުގެ ތެރެއިން ލިބުނީ އެންމެ 40 ވަޒީފާ: އިލްހާމް
ޖޭޕީއަށް ސަރުކާރުން ދޭންޖެހޭ ވަޒީފާތަކާއި، މަޤާމުތަކުގެ ތެރެއިން ލިބުނީ އެންމެ 40 ވަޒީފާ ކަމަށް ޤާސިމް އިބްރާހިމްގެ ސްޕެޝަލް އެންވޯއީ އިލްހާމް އަހުމަދު ވިދާޅުވެއްޖެއެވެ.
އިލްހާމް ކުރެއްވި ޓްވީޓެއްގައި ވިދާޅުވީ ސްލޮޓްތަކުގައި ސަރުކާރުގެ މަޤާމްތަކުގައި ތިއްބެވި ބޭފުޅުން ޖޭޕީ ދޫކޮށް ވަޑައިގަތުމަކީ އާކަމެއް ނޫން ކަމަށެވެ. އަދި އެއީ މިއަދު އެބޭބޭފުޅުން ނިންމެވި ނިންމެވުމެއްވެސް ނޫން ކަމަށާއި މިދިޔަ ރަމަޟާން މަހުވެސް އެބޭފުޅުން ޖޭޕީ ދޫކުރެއްވިކަމަށް ބައެއް ފަރާތްތަކުން ބުނަމުންދިޔަ ކަމަށެވެ.
އަދި ސިޔާސީ މަޤާމްތަކުގައި ތިއްބެވި ބޭފުޅުންގެ ތެރެއިން ބައެއް ބޭފުޅުންނަށް އަދިވެސް ދަނީ ވަޒީފާގެ ބިިރާއި، ނުފޫޒް ފޯރުވަމުން ކަމަށާއި މިކަމަކީ އާ ކަމެއްނޫން ކަމަށް އިލްހާމް ވިދާޅުވިއެވެ.
“ކުރީގެ ސަރުކާރު ތަކުންވެސް ބަލިކަށިވެ، ގޮތްހުސްވީމަ، ރައްޔިތުން މާޔޫސްކުރުވަން މިފަދަ މީޑިއާ ސްޓަންޓް ޖައްސަވާ” އިލްހާމް ވިދާޅުވިއެވެ.
މީގެ އިތުރުން އިލްހާމް ވިދާޅުވީ ސަރުކާރުގެ ތަފާތު ހިސާބްތަކުން ދައްކާގޮތުން ޖޭޕީގެ %25 ޝެއަރ އަށް 350 ސިޔާސީ މަޤާމް ދެއްވަންޖެހޭ ކަމަށެވެ. އެހެންނަމަވެސް އެބޭފުޅުންގެ ހިސާބް ދައްކާގޮތުން ސަރުކާރުގެ ތިއްބެވި ބޭފުޅުންގެ އަދަދު 40 ވެސް ނާރާ ކަމަށް އިލްހާމް ވިދާޅުވިއެވެ.
Ads by STO
