ފްލެޓް ލިބޭ ފަރާތްތަކުގެ ލިސްޓުވެސް ވަރަށް އަވަހަށް ހާމަކުރާނަން: އަސްލަމް
ސަރުކާރުގެ ގެދޮރުވެރިޔާ ސްކީމްގެ ދަށުން މާލޭ ރައްޔިތުންނަށް ދޫކުރާ 4000 ފްލެޓް ލިބޭ ފަރާތްތަކުގެ ވަގުތީ ލިސްޓުވެސް ވަރަށް އަވަހަށް ހާމަކުރައްވާނެކަމަށް މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މުޙައްމަދު އަސްލަމް ވިދާޅުވެއްޖެއެވެ.
ރައީސުލްޖުމްހޫރިއްޔާގެ އޮފީހުގައި ބޭއްވެވި ނޫސްވެރިންގެ ބައްދަލުވުމެއްގައި އަސްލަމް ވިދާޅުވީ 4000 ހައުސިންގ ޔުނިޓް އެޅުމުގެ މަސައްކަތް ބާރަށް އެބަ ކުރިއަށްދާ ކަމަށާއި ގިނަ ފަރާތްތަކަށް އެ 4000 ފްލެޓްތަކުގެ ތެރެއިން ގިނަ ފްލެޓްތަކަކަށް ވަދެވޭނެކަމުގެ ޔަޤީންކަން އެބައޮތް ކަމަށެވެ.
މިނިސްޓަރ އަސްލަމް ވިދާޅުވީ، ފްލެޓް ލިބޭ ފަރާތްތަކުގެ ލިސްޓުވެސް ވަރަށް އަވަހަށް ހާމަކުރައްވާނެކަމަށެވެ.
މާލެ ރައްޔިތުންނަށް ޚާއްސަކޮށް މާލެ ސަރަޙައްދުން 5000 ގޯތި ދޭނެކަން ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙު އިޢުލާންކުރެއްވީ މިދިޔަ އަހަރުގެ ރިޔާސީ ބަޔާނުގައެވެ. މީގެތެރެއިން ފުރަތަމަ ދޫކުރާ 3000 ގޯތި ދޫކުރަނީ ހުޅުމާލެއާއި ގުޅީފަޅުންނެވެ.
އެއީ ހުޅުމާލެ ދެވަނަ ދިޔަވަހިން ދޫކުރާ 1000 ގޯތި އަދި ގުޅީފަޅުން ދޫކުރާ 2000 ގޯއްޗެވެ.
އަސްލަމުގެ އާއިލާގެމީހުނާރައްޓެހިންނައް ކިތައްފުލެޓު މިފަރުބަހާލާފަދޭނެބާ އަސްލަމުބޭރުކުރޭ