ގޯތި ލިސްޓުގައި އިންޑިއާ މީހާގެ ނަން އޮތީ އޮޅުމަކުން: ހައުސިން މިނިސްޓްރީ
މާލެ ރައްޔިތުންނަށް ޚާއްސަ ކުރާ ގޯތިތަކުން އިންޑިއާގެ ރައްޔިތަކަށް ގޯތި ލިބިފައިވަނީ އޮޅުމަކުން ކަމަށާއި އެމީހާގެ ނަން ލިސްޓުން އުނި ކުރާނެކަމަށް ހައުސިން މިނިސްޓްރީން ވިދާޅުވެއްޖެއެވެ.
ދެހާސްނަވާރަވަނަ އަހަރު ދިވެހި ރައްޔިތުކަން ދިން ކަމަށް ބުނާ އިންޑީއާ މީހާގެ ނަން، ގޯތި ލިބޭ ލިސްޓުގައި އޮތީ އޮޅުމަކުން ކަަމަށާއި ދާއިމީ ލިސްޓުން އޭނާގެ ނަން އުނިކުރާނެ ކަމަށް ހައުސިން މިނިސްޓްރީން ވިދާޅުވެފައިފައިވާއިރު، ގޯތި ލިސްޓުގައި ހަބީބު ރަހްމާން މުހައްމަދު ހަނީފާ، މއ. މަލިކުވިއު ގެ ނަން އޮތުމުންނެވެ.
މި ސަރުކާރުގެ 'ބިންވެރިޔާ' ސްކީމްގެ ދަށުން ހިލޭ ގޯތި ލިބޭ މާލޭ މީހުންގެ ލިސްޓް ސަރުކާރުން އިއުލާން ކުރީ، މިދިޔަ ހޯމަ ދުވަހު އެވެ. އެ ލިސްޓު އާންމުކުރުމާއެކު ޝޯޝަލް މީޑިއާގައި ބައެއް ފަރާތްތަކުން ދަނީ ލިސްޓުގައި ހިމެނިފައިވާ ބައެއް މީހުންނާ ގުޅޭ ގޮތުން ކަންބޮޑުވުުން ފާޅު ކުރުމުންނެވެ. މިގޮތުން ބިދޭސީ 10 މީހެއްގެ ނަން ލިސްޓުގައި އޮތްކަމަށް ބުނެ ޝޯޝަލް މީޑިއާގައި ދަނީ ފާޑު ކިޔަމުންނެވެ.
"ބިންވެރިޔާ ސްކީމް"ގެ ދަށުން 6000 އަށް ވުރެ ގިނަ ގޯތި ދޫކުރުމަށް ވަނީ ނިންމާފައި ކަމަށް ރައީސް އޮފީހުން ވަނީ ވިދާޅުވެފައެވެ.
މާލެ ރައްޔިތުންނަށް ޚާއްސަކޮށް މާލެ ސަރަޙައްދުން 5000 ގޯތި ދޭނެކަން ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙު އިޢުލާންކުރެއްވީ މިދިޔަ އަހަރުގެ ރިޔާސީ ބަޔާނުގައެވެ. މީގެތެރެއިން ފުރަތަމަ ދޫކުރާ 3000 ގޯތި ދޫކުރަނީ ހުޅުމާލެއާއި ގުޅީފަޅުންނެވެ.
އެއީ ހުޅުމާލެ ދެވަނަ ދިޔަވަހިން ދޫކުރާ 1000 ގޯތި އަދި ގުޅީފަޅުން ދޫކުރާ 2000 ގޯއްޗެވެ. މާލެ ރައްޔިތުންނަށް ޚާއްސަކޮށް 3000 ގޯއްޗަށް ކުރިމަތިލުމަށް ހުޅުވާލި ފުރުޞަތުގެ މުއްދަތުގައި 15،000 އަށްވުރެ ގިނަ ފޯމު ހުށައެޅިއެވެ.
ޙުރިހާކަމެއް އޮޅިފަ.އޮޅި ސަރުކާރު.