ނާޒިމްގެ ވައުދެއް: ހުރިހާ މިސްކިތެއްގައި ހިލޭ ޤުރުއާން ކިޔެވޭ ގޮތް ހަދާނަން
ވެރިކަމަށް ވަޑައިގެންފިނަމަ ރާއްޖޭގެ ހުރިހާ މިސްކިތެއްގައި ހިލޭ ޤުރުއާން ކިޔަވައިދޭ ގޮތް ހައްދަވާނެ ކަމަށް މޯލްޑިވްސް ނެޝަނަލް ޕާޓީ, އެމްއެންޕީގެ ރިޔާސީ ކެނޑިޑޭޓް މުހައްމަދު ނާޒިމް ވިދާޅުވެއްޖެއެވެ.
ނާޒިމް ގެންދަވަނީ މީސްމީޑިއާ މެދުވެރިކުރައްވާ, އެމަނިކުފާނުގެ ވައުދުފުޅާ ގުޅޭ ގޮތުން ކޮންމެ ދުވަހަކު ވެސް ތަފްސީލް ދެއްވަމުންނެވެ. އެގޮތުން މިއަދު މީސްމީޑިއާއަށް އާއްމު ކުރެއްވީ ވައުދުތަކުގެ ތެރެއިން އިސްލާމީ ވަހުދަތާ ގުޅޭ ވައުދުތަކާއި ގުޅޭ ގޮތުންނެވެ.
މިއަދުގެ ވީޑިއޯގައި ނާޒިމް ވިދާޅުވީ, އެމަނިކުފާނުގެ ވެރިކަމެއްގައި ދިވެހިންގެ ތެރޭގައި އޮތް ދީނީ އެއްބައިވަންތަކަން އިތުރަށް ވަރުގަދަ ކުރުމަށް މަސައްކަތް ކުރައްވާނެ ކަމަށެވެ. އަދި ރާއްޖޭގައި އިސްލާމް ދީން ނޫން އެހެން ދީނަކަށް ފުުރުސަތު ނުދެއްވާނެ ކަމަށް ވިދާޅުވިއެވެ.
ނާޒިމްގެ ވާހަކަފުޅުގައި, މިސްކިތްތަކާއި ގުޅޭ ގޮތުން އެމަނިކުފާނުގެ ވައުދުތައް ވިދާޅުވެ ދެއްވިއެވެ. އެގޮތުން ރާއްޖޭގެ ހުރިހާ ރަށެއްގެ މިސްކިތްްތައް އޭސީ ކުރައްވާނެ ކަމަށާއި ސާފުފެން ލިބޭނެ އިންތިޒާމް ހަމަޖައްސަވާނެ ކަމަށް ވިދާޅުިވއެވެ.
"އަޅުގަނޑުގެ ސަރުކާރެއްގައި ހުރިހާ މިސްކިތްތަކެއްގައި ކީރިތި ޤުރުއާން ހިލޭ ކިޔަވައިދޭ ގޮތް ހަދާނަން" ނާޒިމްގެ އިތުރު ވައުދެއް ވިދާޅުވަމުން ވިދާޅުވިއެވެ.
އެމަނިކުފާނުގެ ވާހަކަފުޅުގައި އިތުރަށް ވިދާޅުވީ, އެމަނިކުފާނުގެ ވެރިކަމެއްގައި ދީނީ ކަންކަމުގައި ޢިލްމުވެރިންނަށް ބަސްބުނުމުގެ ފުރުސަތު ފަހިކޮށްދެއްވާނެ ކަމަށެވެ.
މިސްކިތްތަކުގަ މިހާރު ޤުރުއާން ކިޔަވަނީ އާރުސީސީއަށް ފައިސާދައްކައިގެންތޯ.
ނާޒިމްއެވެ. ޢާންމުކޮށް މިސްކިތަށް ނުދާ މީހަކަށް މިސްކިތުގަ ހިލޭ ގުރުއާން ކިޔަވައިދޭ ކަމެއް ނޭނގޭނެއެވެ.
ނާޒިމްގެ ހުޅުމާލޭގެ ގެސްޓުހައުސްގަި ދާއިމީކޮށް މީސްމީހުން މަސްތުވާތަކެތި ބޭނުންކުރަނީ އެމީހުން ކޮފީބޯންތިބޭ ޓޭބަލްގަ ހިލޭ ބިޑި ބޮވޭތީދޯ