މި ސަރުކާރުން ކޮޅުފުށީގައި ހިންގި 3 މަޝްރޫއެއް އިފްތިތާހްކޮށްފި
ރައީސް އިބްރާޙިމް މުޙައްމަދު ޞާލިޙުގެ ސަރުކާރުން މ. ކޮޅުފުށީގައި ކުރިއަށްގެންދިޔަ މަޝްރޫއުތަކުގެ ތެރެއިން 3 މަޝްރޫއެއްގެ މަސައްކަތްނިމިފައިވާތީ، އެ މަޝްރޫއުތައް މިއަދު އިފްތިތާހު ކޮށްފިއެވެ.
ރައީސް ސާލިޙް މި 3 މަޝްރޫއު އިފްތިތާހުކޮށްދެއްވާފައިވަނީ 2023 ވަނަ އަހަރުގެ ރިޔާސީ އިންތިހާބުގެ ކެމްޕެއިން ތެރެއިން މ އަދި ވ އަތޮޅަށް ކުރައްވަމުން ގެންދަވާ ދަތުރުފުޅުގައި މ ކޮޅުފުށްޓަށް ވަޑައިގެންނެވެ.
މި މަޝްރޫއުތަކުގެ ތެރޭގައި ހިމެނެނީ ފެނުގެ ނިޒާމުގެ ޚިދުމަތް ރަސްމީކޮށް ފެށުމާއި ގޮނޑުދޮށް ހިމާޔަތް ކުރުމުގެ ފުރަތަމަ ފިޔަވަހީގެ މަޝްރޫއުގެ އަދި ކޮޅުފުށީގައި ހުންނަ މ. އަތޮޅު މަދަރުސާގައި މިސަރުކާރުން ގާއިމުކުރި 8 ކްލާސްރޫމާއި މަލްޓި ޕާޕަސް ހޯލް އިމާރާތެވެ.
ރައީސް ޞާލިޙުގެ މިދަތުރުފުޅުގައި މ. ކޮޅުފުށީގެ އިތުރުން، ނާލާފުށި، މުލި އަދި މުލަކަށް ވަޑައިގަންނަވަން ހަމަޖެހިފައިވާއިރު، ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށްވެސް ވަޑައިގަންނަވާނެއެވެ.
