ސެޕްޓެމްބަރު މަހުގެ ނުވަ ވަނަ ދުވަހަކީ ވަގުން ހިފާ ދުވަސް: ޢަބްދުއްރަޙީމް

ރިޔާސީ އިންތިޚާބު އޮންނަ ދުވަސް ކަމުގައިވާ، 09 ސެޕްޓެމްބަރު 2023 އަކީ "ވަގުން ހިފާ ދުވަސް" ކަމަށް ޕީޕީއެމް-ޕީއެންސީ ހިންގެވުމާއި ވަގުތީ ގޮތުން ޙަވާލުވެވަޑައިގެން ހުންނެވި، އަބްދުއްރަޙީމް ވިދާޅުވެއްޖެއެވެ.

Ads by STELCO

ޕީޕީއެމްގެ ރިޔާސީ ކެންޑިޑޭޓް، ރައީީސް ޔާމީން މިނިވަން ކުރަން ގޮވައިލައި އިދިކޮޅުން ރޭ ބޭއްވި ހަރަކާތުގެ ބައިވެރިންނާއި ވާހަކަ ދައްކަވަމުން އަބްދުއްރަޙީމް ވަނީ، ފޮރިން މިނިސްޓަރު ޝާހިދު ދެއްކެވި ވާހަކައަކަށް ރައްދު ދެއްވައިފައެވެ. އެގޮތުން ރިޔާސީ އިންތިޚާބު ބާއްވާ ދުވަހަކީ ވަގު ހިފާ ދުވަސް ކަމަށް ޝާހިދު ވިދާޅުވިއިރު، އެ ދުވަހުން ހިފާނެ ވަގުންނަކީ ރައީސް އިބްރާހީމް މުޙައްމަދު ޞާލިޙާއި ޝާހިދު ކަމަށް އަބްދުއްރަޙީމް ވިދާޅުވިއެވެ.

"ރައްޔިތުން މި ތިބީ ތައްޔާރު ވެގެންނޭ، ޤާނޫނީ އިމުގެ ތެރެއިން، މި ސަރުކާރުގައި ތިބި ވަގުން ހިފައި ހައްޔަރު ކުރަން." އޭނާ ވިދާޅުވިއެވެ.

އޭނާ އިތުރަށް ވިދާޅުވީ ވަގުން ހިފައި ހައްޔަރު ކުރުމަށްޓަކައި ސެޕްޓެމްބަރު މަހުގެ ނުވަ ވަނަ ދުވަހު ވޯޓުލައި، ރައީސް ޔާމީން ރާއްޖޭގެ ވެރިކަމަށް ގެންނަން ޖެހޭ ކަމަށެވެ. އަބްދުއްރަޙީމް ވަނީ ރައީސް ޔާމީންގެ ނަންފުޅު، ރިޔާސީ އިންތިޚާބުގެ ވޯޓު ކަރުދާސްކޮޅުގައި އޮންނާނެކަން ޔަޤީން ކުރައްވާ ކަމަށް ވެސް ވިދާޅުވެފައެވެ.