ރަނިންމޭޓަކަށް ތިން ނަމެއް ހިތުގައި އެބައޮތް، ހުކުރު ދުވަހު ހާމަ ކުރާަނަން: އިލްޔާސް
އައު ސިޔާސީ ޕާޓީ "ދަ ޑިމޮކްރެޓްސް"ގެ ފަރާތުން ރިޔާސީ އިންތިޚާބުގައި ވާދަ ކުރައްވާ އިލްޔާސް ލަބީބުގެ ރަނިންމޭޓު އަންނަ ހުކުރު ދުވަހު އިޢުލާނު ކުރާ ގޮތަށް ހަމަޖެހިއްޖެއެވެ.
އިލްޔާސް މިކަން ހާމަ ކުރައްވައިފައި ވަނީ، ދިވެހި ޗެނަލްގެ ޓީވީ ޕްރޮގްރާމެއްގައި ދެއްކެވި ވާހަކައިގައެވެ. އޭނާ ވިދާޅުވީ ރަނިންނޭޓުގެ މަޤާމު ދޭނެ ތިން ބޭފުޅެއްގެ ނަން މިހާރު ވެސް ހިތުގައި އެބައޮތް ކަމަށެވެ.
"އަޅުގަނޑު ދެތިން ބޭފުޅުންނާއި ވާހަކަ ވެސް ދައްކައިފިން. އެކަމަކު އަޅުގަނޑު އެކަން ހާމަ ކުރާނީ، މި އަންނަ ހުކުރު ދުވަހު ބާއްވާ ޕްރައިމަރީއަށް ފަހު، އެގަޑީގަ ހާމަ ކުރާނަން. އަދި ޕާޓީގެ ކައުންސިލްއާ ވެސް އަޅުގަނޑު މަޝްވަރާ ކޮށްފަ، ކައުންސިލްގެ ރުހުމާއި އެކީ އަޅުގަނޑު ހުށަހަޅާނީ."
އޭނާގެ ރަނިންމޭޓަކީ ރައްޔިތުން ޤަބޫލު ކުރާ، އަދި އުއްމީދު ކުރާ ކަހަލަ ބޭފުޅަކަށް ވާނެކަމަށް ވެސް އިލްޔާސް ވިދާޅުވިއެވެ. އަދި އެއީ ޑިމޮކްރެޓްސްގެ ވެރިކަން ހިންގޭނެ ވަރުގެ ބޭފުޅަކަށް ވާނެ ކަމަށް ވެސް ވިދާޅުވިއެވެ.
އަންނަ ސެޕްޓެމްބަރު މަހުގެ 09 ވަނަ ދުވަހު ބާއްވާ ރިޔާސީ އިންތިޚާބުގައި ވާދަ ކުރައްވާ އެއްވެސް ކެންޑިޑޭޓަކު އަދި މިހައިތަނަށް ރަނިންމޭޓު އިޢުލާނު ކުރައްވައިފައެއް ނުވެއެވެ.
ޑިމޮކްރެޓްސް އަކީ، ޕާޓީ ވުޖޫދުވިތާ އެންމެ މަދު ދުވަސްކޮޅެއްގެ ތެރޭގައި ރިޔާސީ ރޭހަށް ނުކުންނަ ސިޔާސީ ޕާޓީއެވެ.
އަދި މަގޭނަންވެސް ހިތައް އަރުވާ ….!