ރައްޔިތުންނަށް މި ސަރުކާރު އޮންނާނީ މިހާރު ޓެސްޓުކުރެވިފައި، ވައުދުތައް ފުއްދީ މި ސަރުކާރުން: ރައީސް ޞާލިޙް
ރައްޔިތުންނަށް މި ސަރުކާރު އޮންނާނީ މިހާރު ޓެސްޓުކުރެވިފައިކަމަށާއި މި ސަރުކާރަކީ ވައުދުތައް ފުއްދި ސަރުކާރެއްކަން ރައްޔިތުންނަށް އިނގޭނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިހެން ވިދާޅުވީ, ށ. ޅައިމަގަށް މިއަދު ކުރެއްވި ކެންޕޭން ދަތުރުފުޅުގައި އެމަނިކުފާނަށް ތާއީދުކުރައްވާ މެންބަރުންނާއެކު ބޭއްވި ބައްދަލުވުމެއްގައި ވާހަކަފުޅު ދައްކަވަމުންނެވެ.
އެގޮތުން، ކުރިއަށް އޮތް ރިޔާސީ އިންތިޚާބުގައި ތަފާތު ކެންޑިޑޭޓުން ވާދަކުރައްވާނެކަމަށާއި، ޅައިމަގަށްވެސް އެ ބޭފުޅުން ވަޑައިގެން، ވައުދުތައްވެސް ވާނެ ކަމަށް ރައީސް ޞާލިޙް ފާހަގަކުރެއްވިއެވެ. އަދި މީގެ ކުރިންވެސް ވައުދުތައްވެފައި ހުންނާނެކަމަށާއި އެހެންނަމަވެސް މިވޭތުވެދިޔަ ތަނުގައި ނުކުރެވި ހުރި ކިތަންމެ ކަމެއް މި 5 އަހަރު ތެރޭގައި މި ސަރުކާރުން ކުރަމުންދާކަމަށާއި ރައްޔިތުންނަށް މިހާރު އޮންނާނީ މި ސަރުކާރު ޓެސްޓު ކުރެވިފައި ކަމަށް ރައީސް ޞާލިޙް ވިދާޅުވިއެވެ. ހަމައެއާއެކު މި ސަރުކާރުން ވީ ވައުދާ އެއްގޮތަށް ކަންކުރަމުން ދިޔަކަންވެސް ރައްޔިތުން ދަންނާނެކަމަށް އެމަނިކުފާނު ވިދާޅުވިއެވެ.
މީގެ އިތުރުން ރައީސް ޞާލިޙް ވިދާޅުވީ މި ސަރުކާރަށް ދަތި އުދަނގޫ ދުވަސްވަރެއް، ކޮވިޑުގެ ސަބަބުން ދިމާވި ކަމަށާއި އެ ދެ އަހަރު ގެއްލިގެން ދިޔަ ނަމަވެސް މި ދިޔަ 5 އަހަރަކީ އަސާސީ ޚިދުމަތްތައް ރައްޔިތުންނަށް ފޯރުކޮށްދެވުނު 5 އަހަރު ކަމަށެވެ.
".. މިދިޔަ 5 އަހަރަކީ ކުރީގެ 15 އަހަރުގެ ތެރޭގައި ކީއްކުރަންތޯ، އެއަށްވުރެވެސް ދިގުކޮށް އަޅުގަނޑަށް ކިޔިދާނެ، ތެރޭގައި ނުކޮށް ހުރި އަސާސީ ޚިދުމަތްތައް ރައްޔިތުންނަށް ފޯރުކޮށްދިނުމުގެ މަސައްކަތް އަޅުގަނޑުމެން ކުރަމުން މިދިޔައީ" ވޭތުވެދިޔަ 5 އަހަރަކީ ކުރިން ރާއްޖޭގެ ރައްޔިތުންނަށް ލިބިފައިނުވާ އަސާސީ ޚިދުމަތްތައް ރައްޔިތުންނަށް ފޯރުވައިދޭން މަސައްކަތްތަކެއް ކުރަން ޖެހުނު 5 އަހަރުކަން ފާހަގަކުރައްވަމުން ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ މި ދައުރު ނިމޭއިރުގައި ދެން އަންނަ ވެރިކަމެއްގައި ކެނޑިޑޭޓަކު އަސާސީ ޚިދުމަތްތަކާ ބެހޭގޮތުން ވާނެ މާ ބޮޑު ވައުދެއް ނޯންނާނެކަމަށެވެ.
"... އަސާސީ ހިދުމަތްތަކާ ބެހޭގޮތުން ވާނެ ވައުދެއް މި ރަށަކަށް ނޯންނާނެ. ހަދަންޏާ ހަދަންޖެހޭނީ ދޮގު. ކޮށްދީފައި އޮތް ކަމެއް އެހެން ގޮތަކަށް ކޮށްދޭނަމޭ ދެން ބުނަން ޖެހޭނީ. އެކަހަލަ ވައުދެ އެބަވޭ. ތިބޭފުޅުން ވިސްނަވަންވާނެ. މިރަށަށް ވަޑައިގެންވެސް ވިދާޅުވާނެ އެކަހަލަ ވާހަކަ." ރައީސް ޞާލިޙް ވިދާޅުވިއެވެ.
އަދި އެގޮތަށް ބޭފުޅުން ވަޑައިގެން ވައުދުތައްވި ނަމަވެސް، ޅައިމަގު ރައްޔިތުންނަކީ އެއަށްވުރެ މާ ވިސްނޭ އަދި މި ސަރުކާރުން އެރަށަށް ކޮށްފައި ހުރި ކަންތައްތައް ކުރި ގޮތާއި، ކުރާ ގޮތާއި ރަނގަޅަށް އެނގިވަޑައިގަންނަވާ ބޭފުޅުން ތިއްބެވި ރަށެއްކަމަށް ޤަބޫލުކުރައްވާކަމަށް ރައީސް ޞާލިޙް ވިދާޅުވިއެވެ.
މިސަރުކާރުންް ކުރިކަންތަކުގެެ ނަތީޖާާ ފެނޭޭ މަސްތުވުންް ހައްދުންނެއްޓިއްޖެެ ޒިނޭެ އާއްމުވެއްޖެެ އިސްލާމުދީނާާ ކީރިރިތިި ޤުރުއާންއަައްް އިހާނެތިކަންް އިންތިހާކޮއްފިި މުޅިގައުމުު ދަރުވާލާބަގުރޫކޮއްފިި ތިންބާރުއެއްބާރައްް ހަދައިފިި މިގައުމުގަދިވެހީންް ތިންވަނަދަރަޖައައްް ވައްޓާލައިފިި