ލޮލަށް މިރުސް އެޅިފައި ނެތްނަމަ، ތަރައްޤީ ފެންނާނެ: މަހުލޫފު

ރައީސް އިބްރާހީމް މުޙައްމަދު ޞާލިޙު މިއަދު ށ.މިލަންދުއަށް ވަޑައިގަތުމުން، އެ ރަށުން އެމަނިކުފާނަށް މަރުޙަބާ ކިޔުމަށް "ދަމައިލި ދިގު ލައިނަކީ" އެމަނިކުފާނަށް ރިޔާސީ އިންތިޚާބު އެއްބުރުން ކާމިޔާބު ވުމަށް ޖެހުނު ސިއްކައެއް ކަމަށް ޔޫތު މިނިސްޓަރު އަޙްމަދު މަހުލޫފު ވިދާޅުވެއްޖެއެވެ.
މަހުލޫފު މިހެން ވިދާޅުވީ، މިހާރު މިލަންދޫގައި ކުރިއަށްދާ ޖަލްސާގައި ވާހަކަ ދައްކަވަމުންނެވެ. މަހުލޫފުގެ ވާހަކައިގައި، ރާއްޖެއަށް މި ސަރުކާރުން ގެންނަ ތަރައްޤީއަށް ތައުރީފު ކުރައްވައި، ލޮލަށް މިރުސް އެޅިފައި ނެތްނަމަ، ތަރައްޤީ ފެންނާނެ ކަމަށް ވެސް ވިދާޅުވިއެވެ."ސިޔާސީ ގޮތުން ލޯ ކަނު، ބީރު ނޫން މީހަކަށް ވެއްޖެއްޔާ، ހަމަ ގައިމުވެސް ފެންނާނެ."މަހުލޫފު ވިދާޅުވީ ރައީސް ޞާލިޙުގެ ކެމްޕެއިނުގައި އޭނާއަށް އެޑްވާންސް ޓީމާއިއެކުގައި، 55 ރަށަކަށް ދެވިއްޖެ ކަމަށާއި، އެ ރަށްރަށުން ރައީސްއަށް މެޖޯރިޓީ ލިބިވަޑައިގަންނަވާނެ ކަމަށް ޔަޤީން ކުރައްވާ ކަމަށެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.