މާދަމާ ރައީސް ޞާލިޙްގެ ރަނިންމޭޓެއް ކަނޑައަޅަނީ
އަންނަ ރިޔާސީ އިންތިޚާބުގައި އެމްޑީޕީގެ ޓިކެޓްގައި ވާދަކުރައްވާ, ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ރަނިންމޭޓަށް ނަންގަވާ ބޭފުޅަކު މާދަމާ ނިންމަވާނެ ކަމަށް އެމަނިކުފާނު ވިދާޅުވެއްޖެއެވެ.
ރައީސް ޞާލިޙް މިކަން ހާމަ ކުރެއްވީ ފުވައްމުލަކު ސިޓީ އާއި ށ. އަތޮޅު އަދި ހއ. އަތޮޅުގެ ބައެއް ރަށްތަކަށް ރައީސް ކުރެއްވި ކެމްޕެއިން ދަތުރުފުޅު ނިންމާލައްވާ ބޭއްވި ނޫސްވެރިންގެ ބައްދަލުވުމުގައެވެ.
"އަޅުގަނޑު ފައިނަލް ޑިސިޝަނެއް ނުނަގަން. އެކަމަކު އަޅުގަނޑު އަތުގައި ނަންތަކެއް އެބަހުރި." ރައީސް ވިދާޅުވީ, އައު ބޭފުޅަކު ވެސް ރަނިންމޭޓަކަށް ވަޑައިގަތުމަކީ އެކަށީގެންވާ ކަމެއް ކަމަށެވެ.
ރައީސް މިހެން ވިދާޅުވެފައިވާއިރު, އެމަނިކުފާނުގެ ރަނިންމޭޓަކީ މިހާރުގެ ނައިބު ރައީސް, ފައިސަލް ނަސީމު ކަމަށާއި ފުވައްމުލަކު ދަތުރުފުޅުގައި އެކަން އިއުލާން ކުރައްވާނެ ކަމަށް އަޑުފެތުރުނެވެ.
ރައީސް އިތުރަށް ވިދާޅުވީ އިންތިހާބުގައި ވާދަކުރަނީ ކޯލިޝަނެއްގެ ތެރެއިން ކަމަށް ވާތީ ކޯލިޝަން ޕާޓީތަކުގެ މަޝްވަރާ ވެސް ރަނިންމޭޓަކު ކަނޑައެޅުމުގައި ހޯއްދަވާނެ ކަމަށެވެ. އަދި މިއަދު ނޫނީ މާދަމާ އެކަން ނިންމަވާނެ ކަމަށާއި މި ހުކުރު ދުވަހު ކެނޑިޑެސީ ފޯމް ހުށަހަޅުއްވާނެ ކަމަށެވެ.
އެމްޑީޕީއަކީީ ހަކަތައެއްނެތްް ކާލިގަޑުމިޔަރެެއްް އަމިއްލަަ އިހުތިޔާރެއްނެތްް ގާހަކައެއްް