ޤާސިމް އިބްރާހީމްގެ ވެރިކަމުގެ ފުރަތަމަ ދެ އަހަރުގެ ތެރޭގައި ދެ ޓާޝަރީ ހޮސްޕިޓަލް
މި އަންނަ މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ވާދަކުރައްވާ ޖުމްހޫރީ ޕާޓީ (ޖޭޕީ) ގެ ރިޔާސީ ކެނޑިޑޭޓް ޤާސިމް އިބްރާހީމްގެ ވެރިކަމުގެ ފުރަތަމަ ދެ އަހަރުގެ ތެރޭގައި ރާއްޖޭގެ އުތުރާއި ދެކުނުގައި ދެ ޓާޝަރީ ހޮސްޕިޓަލް އެޅުމަށް މެނިފެސްޓޯގައި ހިމަނާފައިވާނެކަމަށް ޖުމްހޫރީ ޕާޓިގެ ކައުންސިލް މެންބަރު އަދި އެ ޕާޓީގެ އަންހެނުންގެ ކޮމިޓީގެ ރައީސް ހިންނަ ޚާލިދު ވިދާޅުވެއްޖެއެވެ.
ހިންނަ މިހެން ވިދާޅުވީ ޤާސިމްގެ ރިޔާސީ މެނިފެސްޓޯގައި ހިމެނޭ "އޯގާތެރި ޒަމާނީ ސިއްހީ ފަރުވާ" ސިޔާސަތު އިޢުލާންކުރުމަށް ބޭއްވި މަޢުލޫމާތު ދިނުމުގެ ފޯރަމެއްގައި ވާހަކަދައްކަވަމުންނެވެ.
"ޓާޝަރީ ހޮސްޕިޓަލަކާ އެކު ހިދުމަތުގެ ފެންވަރު ރަނގަޅުކުރަން ގިނަ ކަންކަން އެބަހުރި. ނަމަކަށް ނޫން ހަމައެކަނި. ވިސްނުމަކީ މައުލޫމާތު އެއްކުރެވިގެން ޓާޝަރީ ލެވެލްގެ ހިދުމަތް ފޯރުކޮށްދިނުން،" ހިންނަ ވިދާޅުވި އެވެ.
ޤާސިމްގެ މި ސިޔާސަތުގެ ދަށުން އެންމެ މުހިއްމު މަސައްކަތެއްގެ ގޮތުގައި ކުރުމަށް ހަމަޖެހިފައިވަނީ އާސަންދައިގެ ނިޒާމު ހަރުދަނާކުރުން ކަމަށާއި، އާސަންދައަށް ގެންނަ ބަދަލާއެކު މުޅި ސިއްޙީ ނިޒާމް ހަރުދަނާވާނެކަމަށާއި މީގެ ސަބަބުން ސިއްޙީ ފަރުވާ ހޯދުމަށް ރާއްޖެއިން ބޭރަށް ދާންޖެހޭ މީހުންގެ އަދަދު މަދުވެގެންދާނެކަމަށް ޤަބޫލުކުރެވޭކަމަށެވެ.
ހިންނަ ޚާލިދުގެ އިތުރުން މި މަޢުލޫމާތު ފޯރަމުގައި ބައިވެރިވެވަޑައިގެންފައިވަނީ ކުރީގެ ހެލްތު މިނިސްޓަރ އިރުތިޝާމް އާދަމް އާއި މިސަރުކާރުގެ ހެލްތު މިނިސްޓްރީގެ ސްޓޭޓް މިނިސްޓަރު ޑރ. ޝާޙް މާހިރުއެވެ.
ޑރ. ޝާޙް ވިދާޅުވި ގޮތުގައި މި ސިޔާސަތުގެ ދަށުން އާޓިފިޝަލް އިންޓަލެޖިންސް ބޭނުންކޮށްގެން، ޒަމާނީ ފެންވަރުގެ ސިއްހީ ނިޒާމެއް ގާއިމުކުރުމާއި، ސިއްޙީ މަޢުލޫމާތު ޑިޖިޓަލްކޮށް ބެލެހެއްޓުން ހިމެނޭކަމަށެވެ.
ޝާޙް ވިދާޅުވީ ރާއްޖޭގައި މިހާރު ބޭނުންކުރާ ސިއްޙީ އާލާތްތަކަށްވުރެ މަތީ ފަންތީގެ އަދި ޒަމާނީ ޓެކްނޮލޮޖީ ހިމެނޭ އާލާތްތައް ބޭނުންކުރުމަކީ ސިއްޙީ ޚިދުމަތަށް ދަޢުލަތުންކުރާ ހޭދަ އެތައް ގުނައަކަށް ކުޑަވެގެންދާނެ ކަމެއްކަމަށެވެ.
މިސާލެއް ނަންގަވަމުން ޝާޙް ވިދާޅުވީ ރަށަކަށް އެކްސްރޭ މެޝިނެއް ފޮނުވައި، އޭގެން ޚިދުމަތްދިނުމަށް އެކަމަށް ޚާއްސަ ރޭޑިއޯގްރަޕަރަކާއި، ރޭޑިއޮލޮޖިސްޓަކާއި ޓެކްނީޝަނެއް ފޮނުވަންޖެހޭ ކަމަށާއި، އެ ޕާޓީގެ ސިޔާސަތުގައި ހިމަނާފައިވާނީ ޒަމާނީ ޓެކްނޮލޮޖީގެ އެހީގައި އާޓިފިޝަލް އިންޓަލިޖަންސް ބޭނުންކޮށްގެން ސިސްޓަމްގެ ތެރެއިން ކަންކަން ދެނެގަތުމުގެ ކުޅަދާނަކަން ލިބިފައިވާ ސިއްޙީ އާލާތްތައް ޤާއިމްކުރުންކަމަށެވެ.
"އަޅުގަނޑުމެންގެ މެނިފެސްޓޯގައި ވޯކްއައުޓްކޮށްފަ ޖަހާފައެހުރި އެއްޗިއްސަކީ، ހަޤީޤަތުގަވެސް ދިވެހިރާއްޖެއަށް ގެނެވޭނެ، އަދި އެކަމާ ބަޔަކު އުޅެފިކަމަށްވާނަމަ، އެކަން ކުރެވޭނެ ކަންތަކުގެ ވާހަކަ"
މިއަހަރުގެ އިންތިޚާބަށް ޤާސިމް އިޢުލާންކުރައްވާފައިވާ މެނިފެސްޓޯގައި މައިގަނޑު 15 ދާއިރާއަކަށް އަލިއަޅުވާލާފައިވެއެވެ. މި މެނިފެސްޓޯ އަކީ ރާއްޖެ ތަހުޒީބުގެ އާ މަންޒިލަކަށް ގެންގޮސްދޭނެ މެނިފެސްޓޯއެއްކަމަށް ޖޭޕީން މަޢުލޫމާތުދީފައިވެއެވެ.
ޚާއްސަ ގޮތެއްގައި މި މެނިފެސްޓޯއަކީ އުފެއްދުންތެރިކަން އިތުރު ކުރުމާއި، ރާއްޖޭގެ ދަރަނީގެ ނިސްބަތާއި ހިންގުމުގެ ޚަރަދު ކުޑަކޮށް ގިނަ މައްސަލަތަކަކަށް ޙައްލު ހޯދައިދެވޭނެ ފަދަ މެނިފެސްޓޯއެއްކަމަށް އެ ޕާޓީން މަޢުލޫމާތުދީފައިވެއެވެ.
ރައީސުލް ޖުމްހޫރިއްޔާ އާއި މަޖިލީހުގެ މެމްބަރުންނާއި ވަޒީރުން ބޭސްފަރުވާއަށް ގާނޫނުއަސާސީގެ 17 ވަނަ މާއްދާ އާއި ހިލާފަށްސިންގަޕޯރއާއި ޔޫރަޕަށް ބޭސްފަރުވަ ކުރަން ދާހާ ދުވަހަކު ރާއްޖޭގެ ސިއްހީ ނިޒާމް ތަރައްގީ ނުވާނެ. ނަން ކިޔާ ނަން ބަދަލު ކުރާތެ . ސިއްހީތަރައްގީގަ ރޢްޖެއްިންބޭރަށް ދާންނުޖެހޭ މިންވަރު ރާއްޖެއަށް އަޔަކަ ނުދޭނެ . ރާއްޖޭގެ ސިއްހީ ނަޒާމް ތަރައގީ ވެއްޖެ ނަމަ ޗުއްޓީ ހޭދަކުރަން ދަވްލަތުގެ ހަރަދުގަ ސިންގަޕޯރއާއި ޔޫރަޕަށް ދިއުން ހުއްޓިދާނެ . .