މުއިއްޒުގެ މެނިފެސްޓޯ އިފްތިތާޙުކުރުން މިރޭ
ޕީއެންސީގެ ރިޔާސީ ކެންޑިޑޭޓު ޑރ. މުޙައްމަދު މުޢިއްޒުގެ މެނިފެސްޓޯ އިފްތިތާހުކުރުން މިރޭ ބޭއްވުމަށް ހަމަޖެހިއްޖެއެވެ.
މުއިއްޒުގެ މެނިފެސްޓޯ ލޯންޗުކުރުމުގެ ރަސްމިއްޔާތު އޮންނާނީ ހުޅުމާލޭގެ ދެވަނަ ފިޔަވަހީގައި މިރޭ 20:30ގައެެވެ. އެމަނިކުފާނުގެ މެނިފެސްޓޯއަށް ދެވިފައިވާ ނަމަކީ “ދިވެހީންގެރާއްޖެ”މިއެވެ.
މެނިފެސްޓޯ މިރޭ ލޯންޗުކުރުމަށް ހަމަޖެހިފައިވާއިރު މުޢިއްޒު ދަނީ ދިވެހިރާއްޖޭގެ އެކި އަތޮޅުތަކުގެ ރަށްތަކަށް ދަތުރުކުރައްވައި ކެމްޕެއިން ހަރަކާތްތައް ކުރިއަށް ގެންދަވަމުންނެވެ.
މި ހަރަކާތްތަކުގެ ތެރެއިން މުއިއްޒުވަނީ އެމަނިކުފާނުގެ ވެރިކަމެއްގައި ކޮށްދިނުމަށް ހަމަޖެހިފައިވާ ބައެއް ކަންކަމާއި ވެރިކަން ކުރައްވާނެ ގޮތާއިމެދުވެސް ވާހަކަދައްކަވާފައެވެ.
ރިޔާސީ އިންތިހާބު ބޭއްވެވުމަށް ނިންމަވާފައިވަނީ ސެޕްޓެމްބަރު 9 ވަނަ ދުވަހުއެވެ. އަދި އިންތިހާބުގެ 2 ވަނަ ބުރެއް ބާއްވަން ޖެހިއްޖެނަމަ ބޭއްވުމަށް ނިންމާފައިވަނީ ސެޕްޓެމްބަރު 30 ގައެވެ.
ދިވެހިރާއްޖޭގައި އެންމެ ފުރަތަމަޔަށް 70 ގެ އަހަރު ތަކުގައި ﷲ ގެ ތައުހީދުގެ ޢިލްމު ކިޔަވާދީ ތައުހީދުގެ ފެތުރުއްވި ޝޭހަކީ ޅ.ހިންނަވަރު، ދަގަޑުތަޅާގެ މުހައްމަދު އިބުރާހީމް ( ޖަނާބް ) رحمه الله !