ކަނޑުވިއްކާލައި، ރައީީސް ޞާލިޙު ކުރެއްވީ ޝަރީޢަތް ހިންގަންޖެހޭ ފެންވަރުގެ ކަމެއް: ޤާސިމް
ކަނޑުވިއްކާލައްވައި، ރައީީސް އިބްރާހީމް މުޙައްމަދު ޞާލިޙު ހިންގެވި ޢަމަލީ "އޭނާގެ މައްޗަށް ޝަރީޢަތް ހިންގަންޖެހޭ ފެންވަރުގެ ކަމެއް" ކަމަށް ޖޭޕީގެ ރިޔާސީ ކެންޑިޑޭޓް، ޤާސިމް އިބްރާހީމް މިއަދު ވިދާޅުވެއްޖެއެވެ.
ނ.ލަންދޫއަށް މިއަދު ވަޑައިގެން، އެ ރަށުގެ ރައްޔިތުންނާއި ބައްދަލުކުރައްވައި ވާހަކަ ދައްކަވަމުން ޤާސިމް ވިދާޅުވީ ރާއްޖޭގެ ހަތަރު ސަރަހައްދެއްގައި އިންޑިއާ ސިފައިން ވެސް އެބަތިބި ކަމަށާއި، މަސްކަނޑު ވިއްކައިލީ، ރައްޔިތުންގެ މަޖިލީހަށް ވެސް ނޭނގި ކަމަށެވެ. ޤާސިމް ވިދާޅުވި ގޮތުގައި، މިއީ ރައީީސް ޞާލިޙު އަޒުލު ކުރަން ޖެހޭ ސަބަބެކެވެ.
ނަމަވެސް ބޭނުމަކީ ދަޢުވާ ކުރުން ނޫން ކަމަށާއި، މިނިވަންކަމަށް ބުރޫއަރާ ހިސާބުގައި އޮތުމުން، އެކަމުން ޤައުމު ސަލާމަތް ކުރަން ކަމަށް ޤާސިމް ވިދާޅުވިއެވެ.
"ރާއްޖެ މިއޮތީ ދިވެހީންގެ ކަނޑުގައޭ، މޯލްޑިވިއަން އޯޝަންގަ. އަހަރުމެންގެ ކަނޑުތެރެއަށް ވަދެ، އެ ސަކަރާތް ަގަނެ، މި ސަކަރާތް ގަނެ، ރާއްޖޭގެ ހުރިހައި ރަށްރަށުގަ، އެ ރާޑަރު ބަހައްޓައިގެން، މިތާ މީީސްމީހުން ހިނހާބިނގާވެ އުޅޭގޮތް ބަލާކަށް އެމީހުން ނުޖެހެއޭ."
ޤާސިމް ވިދާޅުވީ މީގެ ކުރިން ވެސް، ރާއްޖޭގައި ޚާރިޖީ ސިޔާސަތު އޮތް ކަމަށާއި، "އިންޑިއާ ފަސްޓް ޕޮލިސީ"އޭ ދިވެހީން ބުނަން ނުޖެހޭ ކަމަށެވެ. ރާއްޖޭގައި އޮތީ ދިވެހިންގެ ފަސްޓް ޕޮލިސީ ކަމަށް ވެސް ޤާސިމް ވިދާޅުވިއެވެ.
އެޔައްވުރެރައްޔިތުންގެފަޅުމަސައްކަތްކުރަންނަގާފައިވިއްކައިލުންމާނުބައި
ސިޔާސީ މައިދާނުގައި ގިނައީ އެމެންގެ މައްޗަށް ޝަރީޢަތް ހިންގަންޖެހޭ މީހުން އަދި އެމެންގެ މައްޗަށް ޝަރީޢަތް ހިގަމުންދާ މީނުން !