2028 ވަނަ އަހަރު ރައްޔިތުންގެ މަޖިލީހަށް ހުށަހަޅާނީ އަރަނި ބަޖެޓެއް: ރައީސް ޞާލިޙް
2028 ވަނަ އަހަރު ރައްޔިތުންގެ މަޖިލީހަށް ހުށައަޅުއްވާނީ އަރަނި ބަޖެޓެއްކަމަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ތ.ގާދިއްފުށްޓަށް ވަޑައިގެން ވާހަކަފުޅު ދައްކަވަމުން ރައީސް ޞާލިޙް ވިދާޅުވީ، 2028 ވަނަ އަހަރާއި ހަމައަށް ރާއްޖޭގެ އިޤްތިޞާދުގެ ސައިޒު 170 ބިލިއަނަށްވުރެ މަށްޗަށް ގެންދެވޭނެކަމަށާއި، އެއަހަރު މަޖިލީހަށް ހުށައަޅުއްވާނީ އަރަނި ބަޖެޓެއްކަމަށް ރައީސް ވިދާޅުވިއެވެ.
“ 2028 ވަނަ އަހަރު އަންނައިރު 45 ބިލިއަން ރުފިޔާ ހުރަސްކޮށް 50 ބިލިއަން ރުފިޔާއާއި ހަމައަށް އަމާޒުހިފާނަން. ނަތީޖާއަކީ ކުރަން ބޭނުންވާ ކަންކަމަށް ފައިސާ ހުރުން. 2028 ހުށައަޅާ ބަޖެޓަކީ އަރަނި ބަޖެޓަކަށް ވެގެންދާނެ." ރައީސް ޞާލިޙް ވިދާޅުވިއެވެ.
ރައީސް ވިދާޅުވީ ކުރިއަށް އޮތް ދައުރުގައި ގާދިއްފުށްޓަށް ބިން އިތުރުކުރުކޮށް، ރަށަށް ބޭނުންވާ ބޯހިޔާވަހިކަމުގެ ދަތިކަން ހައްލު ކޮށްދެއްވާނެކަމަށެވެ.
އަދި ރައްޔިތުން އެދޭގޮތަށް އެރަށާއި ކައިރީގައިއޮތް އުސްފުށި ޕިކްނިކް އައިލެންޑެއްގޮތަށް ހަމަޖައްސަވާނެކަމަށް ރައީސް ވިދާޅުވިއެވެ. މިވަގުތު އެއީ ވަރުވާއަށް ދީފައިވާ ރަށެކެވެ
Ads by STO
