މާލޭގެ ފިހާރައެއްގައި އަލިފާނުގެ ހާދިސާއެއް ހިނގައިފި

މާލޭގެ ފިހާރައެއްގައި ރޯވެ އެއްކޮށް އަނދައި ހުލިވެއްޖެއެވެ.

Ads by MWSC

އެމްއެންޑީއެފްގެ މީޑިއާ އޮފިޝަލު ވިދާޅުވީ، ރޭ ފަތިހު 4:30 ހާއިރު ހިނގި އަލިފާނުގެ ހާދިސާގައި ރޯވީ ގަލޮޅު އޮޓޯ ގަރާޖު ސަރަހައްދުން ރަތްވިލާ ގޯޅީގައި ހުންނަ ވެގާ ޕޮއިންޓްގައި ކަމަށެވެ.

އަދި އެއްވެސް މީހަކަށް އަނިޔާއެއް ލިބިފައި ނުވާ ކަމަށާއި އަލިފާނުގެ ރިޕޯޓް ލިބުނީ ފަތިހު 4:37 ހާއިރު ކަމަށް ވިދާޅުވިއެވެ.

އަދި އޭގެ ދެގަޑިއިރު ފަހުން އަލިފާން އެއްކޮށް ކޮންޓްރޯލް ކުރެވިފައިވާ ކަމަށާއި ފިހާރަ ކުރިމަތީ ހުރި 15 ވަރަކަށް ސައިކަލު ބޭނުން ނުކުރެވޭ ވަރަށް އަނދާފައިވާ ކަމަށް ވިދާޅުވިއެވެ.