ކޯލިޝަން ހެދުމަށް އެއްވެސް ޕާޓީއަކާއެކު އަދި މަޝްވަރާނުކުރަން, އެންމެންނާ ވެސް މަޝްވަރާ ކުރާނަން: އިލްޔާސް
ކޯލިޝަން ހެދުމަށް އެއްވެސް ޕާޓީއަކާއެކު އަދި މަޝްވަރާނުކުރާ ކަމަށާއި ނަމަވެސް އެންމެންނާ ވެސް މަޝްވަރާ ކުރާނެ ކަމަށް ދަ ޑިމޮކްރެޓްސްގެ ކެންޑިޑޭޓު އަދި ހުޅުދޫ ދާއިރާގެ މެންބަރު އިލްޔާސް ލަބީބު ވިދާޅުވެއްޖެއެވެ.
އިލްޔާސް ވިދާާޅުވީ އިންތިހާބުން ބަލިވި ނަމަވެސް ވަކި ބަޔަކާއި ވާހަކަ ދައްކަވަން އަދި ނުދައްކަން ނިންމާފައިނުވާނެ ކަމަށެވެ. އެންމެންނާއެކު ވެސް މަޝްވަރާތައް ކުރިއަށް ގެންދާނެ ކަމަށް އިލްޔާސް ވިދާޅުވިއެވެ.
އިލްޔާސް ވިދާޅުވީ އަސްލު މިއީ ޕާޓީގެ ފެށުން ކަމަށެވެ. އަދި ސިޔާސީ ޕާޓީއެއް ހަދައިގެން އަންނަ ފުރަތަމަ އިންތިހާބަކުން ލިބޭ ވޯޓަކީ އެއީ ބަލިވީތޯ މޮޅުވީތޯ ނިންމައިގެން ނުވާނެ ކަމަށާއި ސިޔާސީ ކަންކަމުގައި ކުރިއަށްދިޔުމަށް ވަރަށް ބައިވަރު ކަންތައްތައް ކުރަން އެބަހުރި ކަމަށް އިލްޔާސް ވިދާޅުވިއެވެ.
މީގެ އިތުރުން ޑިމޮކްރެޓުން ނިކުމެ ތިބީ އެއްވެސް ޖެހިލުމެއް ނެތި ކަމަށާއި ހުރި ފިއްތުންތަކަށާއި ބިރުވެރިކަމާއި ހުރިހާ ކަމަކަށް ޖެހިލުމެއް, ފަސްޖެހުމެއް ނެތި ނިކުމެ ތިބީ ލިބުނު އިންޒާރަކަށް ވެސް ބެލުމެއް ނެތި ކަމަށް އިލްޔާސް ވިދާޅުވިއެވެ.
ޕްލީސް ހޮޅިޒު ކައިރިއަށް ނުދާތި