ވިނަރެސް އާއި އެމްޕީއެލް ފްލެޓްގެ ކުލި ކުޑަކޮށްދޭނަން: ރައީސް ޞާލިޙް
ހުޅުމާލެ ދެވަނަ ފިޔަވަހީގައި ޢިމާރާތްކޮށްފައިވާ ވިނަރެސް ފްލެޓްތަކާއި އެމްޕީއެލް ޕްލެޓްތަކުގެ ކުއްޔާއި ޑައުންޕޭމަންޓަށް ދައްކަންޖެހޭ އަގު ކުޑަކުރައްވާނެކަމަށް އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުޙައްމަދު ޞާލިހް ވިދާޅުވެއްޖެއެވެ.
އެމްޑީޕީން ގަލޮޅު ކަންމަތީގައި ބޭއްވި ކެމްޕެއިން ޖަލްސާގައި ވާހަކަފުޅު ދައްކަވަމުން ރައީސް ޞާލިހް ވިދާޅުވީ ވިނަރެސްއަށް ކުރިމަތިލައިގެން ފްލެޓު ލިބިފައިވާ ފަރާތްތަކަށް އޭގެ ޑައުންޕޭމަންޓާއި ކުލީގެ އަގު ބޮޑުވާ ވާހަކަ އަކީ ވަރަށް ގިނަ މީހުންގެ ޝަކުވާއެއް ކަމަށެވެ.
އަދި މިކަން ހައްލުކޮށް ދިނުމުގެ ގޮތުން އެ ތަންތަނުގެ ޑައުންޕޭމަންޓާއި ކުލި ކުޑަކޮށް، އެކަން ވަރަށް އަވަހަށް އިއުލާން ކުރައްވާނެ ކަމަށް ރައީސް ޞާލިޙް ވިދާޅުވިއެވެ.
ވިނަރެސް ފްލެޓްގެ އިތުރުން އެމްޕީއެލް ފްލެޓްތަކުގެ އަގު ވެސް ކުޑަކޮށް ޑައުންޕޭމަންޓަށް ހެޔޮ ބަދަލެއް ގެނެސްދެއްވާނެ ކަމަށް ރައީސް ޞާލިހް ވިދާޅުވިއެވެ.
ރައީސް ޞާލިޙް ވިދާޅުވީ ކަސްޓަމްސްގެ މުވައްޒަފުންނަށް ޚާއްސަ ފްލެޓްތަކުގެ ލިސްޓް ހަވާލުކޮށްފައިވާނެ ކަމަށެވެ. އަދި ވަރަށް އަވަހަށް ޔުނިވާސިޓީ އާއި ކަރެކްޝަނަލް ސާވިސްގެ މުވައްޒަފުންނަށް ހާއްސަކުރާ ފްލެޓްތައް ލިބޭ މީހުންގެ ލިސްޓްވެސް ޢާންމުކުރައްވާނެކަމަށެވެ.
ކޮބައިތޯ ޗައިނާ ފްލެޓް ތަކުގެ ހައްޤުތަށް މިކަން އެއްވެސް ކެންޑިޑޭޓަކަށް އެގިވަޑައި ނުގަންނަވަނީތޯ؟ އަލުގަޑުމެންގެ ވޯޓް ބޭނުންފުޅު ނުވަނީތޯ؟
ޝުކުރިއްޔާ!