ބަލިވާނެކަން ޔަޤީންވާތީ އެމްޑީޕީން ދަނީ ހަމަނުޖެހުން ހިންގުމަށް މަސައްކަތް ކުރަމުން: ޝިޔާމް
މިއަދު ކުރިއަށް މިދާ ރިޔާސީ އިންތިޚާބުގެ ދެވަނަ ބުރުގެ ނަތީޖާއިން ބަލިވާނެކަން ޔަގީންވާތީ އެމްޑީޕީން ދަނީ ހަމަނުޖެހުން ހިންގުމަށް މަސައްކަތް ކުރަމުން ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
އިންތިޚާބުގެ ކުރިން ބަލިވާނެކަން ޔަޤީންވި އިންތިޚާބެއް މި ނޫނީ ނުބޭއްވޭ ކަމަށާއި ރައީސް އިބްރާހިމް މުހައްމަދު ޞާލިހު ބަލިވެއްޖެކަން ޔަޤީންކޮށް މިހާރު ރާވަމުން ދަނީ ތަންތަނުގައި ހުޅުޖަހާ ހަމަނުޖެހުން ހިންގަން މަސައްކަތް ކުރަމުން ކަމަށް ވިދާޅުވެ މި މަހުގެ 27 ވަނަ ދުވަހު ޝިޔާމް ކުރެއްވި ޓްވީޓެއް ހިއްސާކުރައްވާ އޭނާ މިއަދު ވިދާޅުވީ މީ ޔޯލަ ވާހަކަތަކެއް ނޫން ކަމަށެވެ.
ހަމަ އެހެންމެ އިންތިޚާބުން ބަލިވާނެކަން ޔަގީންވާތީ ހަމަނުޖެހުން ހިންގުމަށް އެމްޑީޕީން ގަދަޔަށް ވަނީ ރާވާފައި ކަމަށް ޝިޔާމް ވަނީ ވިދާޅުވެފައެވެ.
މިގޮތުން މިހާރު ދަނީ އެކަމުގެ ތައްޔާރީތައް ވަރުގަދަ ކުރަމުން ކަމަށް ވަރަށް މުއުތަބަރުކޮށް މަޢުލޫމާތު ލިބޭކަމަށާއި މިކަން ކުރަން ނިންމާފައި އޮތީ މާލެ ސިޓީގައި ކަމަށް ޝިޔާމް ވަނީ ވިދާޅުވެފައެވެ.
އެހެންކަމުން މިކަން ހުއްޓުވައި އަޅަންޖެހޭ ފިޔަވަޅު ދުރާލައި އެޅުމަށް ޝިޔާމް ވަނީ ފުލުހުންނަށް ގޮވާލާފައެވެ.
ކަލޭ ދޮގު ނުހަދާ! ހަގީގަތް ނޭނގި ހުރެ ހީއަކަށް ތި ދައްކާ ވާހަކަތަކާމެދު ސުވާލު ވެވޭނެ ދުވަސް ވަރަށް އަވަހަށް އަތުވެދާނެ. ފިތުނަވެރިކަން އުފައްދާ މީހުންނަށް ﷲ ގެ ލަޢުނަތް ވާކަން ހަނދާންކުރޭ! އެފަދަ ކަމެއް ކުރިޔަސް ކުރެވޭ ފެންވަރުގެ މީހުން ތިޕާޓީގެ އިސް ސަފުގައި ތިބިކަން ވަރަށް ގިނަ މީހުން އެބަ ބުނޭ. އެހެންވީމާ އެހެންމީހުންގެ ބޮލުގަ ކަންކަން އަޅުވަން މަސައްކަތް ކުރާނަމަ އަތަށް ގޮވާފާނެ.