މަޖިލީހުގެ ރައީސް، އިންތިޚާބީ ރައީސް ޑރ. މުއިއްޒުއާ ބައްދަލުކުރައްވައިފި
ރައްޔިތުންގެ މަޖިލީހުގެ ރައީސް މުޙައްމަދު ނަޝީދު އިންތިޚާބީ ރައީސް ޑރ. މުޙައްމަދު މުއިއްޒުއާ ބައްދަލު ކުރައްވައިފިއެވެ.
ރައްޔިތުންގެ މަޖިލީހުގައި ބޭއްވުނު މި ބައްދަލުވުމަށް ޑރ. މުއިއްޒު ވަޑައިގެންނެވުމުން، މަޖިލީހގެ ރައީސް އާއި ނާއިބު ރައީސް އީވާ ޢަބްދުﷲ އަދި މަޖިލީހުގެ މެންބަރުން ވަނީ އެމަނިކުފާނަށް މަރުޙަބާ ދަންނަވާފައެވެ.
ދެބޭފުޅުންގެ މަޝްވަރާތައް ކުރިއަށް ގެންގޮސްފައިވަނީ މަޖިލީހުގެ އިދާރާގައެވެ.
ސެޕްޓެންބަރު 30 ވަނަ ދުވަހު ބޭއްވި ރިޔާސީ އިންތިޚާބުގައި 54 އިންސައްތަ ހޯއްދަވައިގެން ޑރ. މުއިއްޒު ވަނީ އިންތިޚާބު ކާމިޔާބުކުރައްވާފައެވެ. އެމަނިކުފާނާ ވާދަކުރެއްވި މިހާރުގެ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙުއަށް ލިބިވަޑައިގެންނެވީ 45 އިންސައްތައެވެ.
ރޭ އެމަނިކުފާނުގެ ސަޕޯޓަރުންނާއެކު ބޭއްވި ބައްދަލުވުމުގައި ވާހަކަ ދައްކަވަމުން އެމަނިކުފާނު ވަނީ ރައީސް ނަޝީދަށް ދިން ބޮމުގެ ހަމަލާގެ ތަހުޤީޤު އަވަސްކުރައްވައި އިންސާފު ހޯއްދަވާ ދެއްވާނެކަމަށް ވިދާޅުވެފައެވެ. މުއިއްޒު ވިދާޅުވީ، ރައީސް ނަޝީދަށް ދިން ބޮމުގެ ހަމަލާގެ މައްސަލަ މި ސަރުކާރުން ނުބަލާ ކަމަށާއި އެމަނިކުފާނަށް އިންސާފުވެސް ހޯއްދަވައި ދެއްވާފައި ނުވާ ކަމަށެވެ.
ރާއްޖޭގެ އިގްތިސާދު އެބަޖެހޭ ބަދަލުވާން ޓޫރިޒަމަށް ބަރޯސާވެފައި އޮތް އޮތުން ނިމުމަމަކަށް ގެންނާން އެގޮތުން ބަލާއިރު މާލެ ސަރަހައްދުގައި ހުރި ފަޅުތައް ހިއްކާ ޗައިނާގެ ލައިޓް އިންޑަސްޓްރިއަލް ޕާރކްސް ތައް ހަދާ އެމެންނަށް 2 ހެކްޓަރުގެ ބިން ބިމެއް 20 މިލިއަން ޑޮލަރަށް ވިއްކާ ޓެކްސް ފްރީ ކުރުމުން ޗައިނާ އިން ގަންނަ މުދާ ރާއްޖޭން އެއަށް ވުރެން ހެޔޮ އަގުގައި ލިބޭނެއޭ ނަތީޖާ އަކީ ރާއްޖޭން އިންޑިއާ ލަންކާ އަށް މިތަކެތި އެކްސްޕޯރޓް ކުރަން ފެށުމޭ މިކަމާއި މެދު ވިސްނާ ރަނގަޅަށް ޕްލޭން ކުރަން ޖެހޭނެއޭ އަދި ރިޓަޔަރމެންޓް އުމުރު 70 އަށް ބަދަލު ކުރަން ޖެހޭނެއޭ 65 އަހަރުގެ ބަދަލުގައި މިފަދަ ޕޮލިސީ ތަކުން އިގްތިސާދެއް ކުރިއަރާނީ އާބާދީ ބޮޑު ކުރަން އެންމެނަށް މާލެ ަސަރަހައްދުން ގޯތިދީ އަދި އާބާދީ އަވަހަށް ކުރިއަރާނެ ގޮތް ހަދަން ޖެހޭނެއޭ އާއިލާ އެއްގައި މަދުވެގެން 6 މީހުން ތިބޭނެ އުސޫލުން އެފަދަ ކަންކަމަށް ހިތްވަރުދީ އެއް ފިރިހެނަކަށް އިގްތިސާދީ ގޮތުން ކުރިއަރާފައިވާ ނަމަ 2 ނުވަތަ 3 އަނބިންނަށް ދަރިން ހޯދާ އޭނާގެ އާއިލާ ގައި 12 ނުވަތަ 13 ކުދިން ތިބުން އެއީ ވެސް އިގްތިސާދެއް ކުރިއަރުވަން ލިބޭނެ ފުރުސަތެކޭ…