111 މީހަކު ޑިސްކޮލިފައިކޮށް, ހިޔާ މަޝްރޫއުގެ ފްލެޓުތައް ލިބޭ މީހުންގެ ވަގުތީ ލިސްޓު ނެރެފި

ހިޔާ މަޝްރޫއުގެ ދަށުން ހުޅުމާލޭގައި އަޅާފައިވާ ފްލެޓްތައް ލިބޭ މީހުންގެ ވަގުތީ ލިސްޓު އާންމުކުރަން ނިންމައިފިއެވެ.

Ads by Hajj Corporation

ފްލެޓް ކޮމިޓީން މައްސަލަތައް ބެލުމަށް ފަހުގައި މިއަދު އާއްމުކޮށްފައި ވަނީ H4، ޑޮކްޓަރުންނާއި ނަރުހުންނަށް ޚާއްސަ ކެޓަގަރީ އާއި H5، ޓީޗަރުންނަށް ޚާއްސަ ކެޓަގަރީ އާއި H8 މާލޭ ރަށްވެހިންނަށް ޚާއްސަ ކެޓަގަރީ އާއި H10، ނުކުޅެދުންތެރިކަން ހުންނަ ފަރާތްތަކާއި އާއިލާތަކަށް ޚާއްސަ ކެޓަގަރީން ފްލެޓްތައް ލިބޭ ފަރާތްތަކުގެ ވަގުތީ ލިސްޓްތަކެވެ.

އިއުލާންކުރި ވަގުތީ ލިސްޓްގައި، ފްލެޓް ލިބޭ މީހުންގެ ވަނަވަރާއި ލިބިފައިވާ ޕޮއިންޓް ވަނީ ހިމަނައިފައެވެ. ފްލެޓް ލިބެން ޝަރުތު ހަމަވަނީ 50 ޕޮއިންޓަށް ވުރެ މަތިން ލިބުމުންނެވެ. ކުރީ ސަރުކާރުން އެކުލަވާލި ލިސްޓުން އެއަށް ވުރެ ދަށުން ލިބިގެން 111 މީހަކު މި ހަތަރު ކެޓަގަރީއިން ވަނީ ޑިސްކޮލިފައިވެފައެވެ. އެ ލިސްޓު ވެސް ވަނީ ވަނަވަރާއި ޕޮއިންޓް ލިބުނު ގޮތާ އެކު ވަކިން އިއުލާންކޮށްފައެވެ.

"ހިޔާ" މަޝްރޫޢުގެ H8, H5, H4 އަދި H10 ކެޓަގަރީތަކަށް ފޯމު ހުށަހަޅާފައިވާ ފަރާތްތަކަށް ޕޮއިންޓް ލިބިފައިވާގޮތުގެ ވަގުތީ ލިސްޓަށް ޝަކުވާ ހުށަހެޅުމުގެ ފުރުސަތު 24 އޮގަސްޓު 2020 އިން ފެށިގެން 14 ސެޕްޓެންބަރު 2020 ގެ 15:00 ނިޔަލަށް މިހާރުވަނީ ހުޅުވާލާފައެވެ.