ޗެލެންޖެސްއާ ކުރިމަތި ލައްވަން އިންތިހާބީ ރައީސް ހުންނެވީ ތައްޔާރަށް: ތޯރިގް
ޗެލެންޖެސްއާ ކުރިމަތި ލައްވަން އިންތިހާބީ ރައީސް ޑރ. މުހައްމަދު މުއިއްޒު ހުންނެވީ ތައްޔާރަށް ކަމަށް ކުރީގެ އެންވަޔަރަމަންޓް މިނިސްޓަރު އަދި ޕީޕީއެމްގެ ސެނަޓަރ ތޯރިގް އިބްރާހީމް ވިދާޅުވެއްޖެއެެވެ.
ސަންގު ޓީވީގެ “2023 ގެ ރައީސް” ޕްރޮގުރާމްގައި ވާހަކަދައްކަމުން ތޯރިގު ވިދާޅުވީ ޑރ. މުއިއްޒުގެ ކެންޕެއިނަކީ ވަރަށް އާދަޔާ ހިލާފު ކެންޕެއިނެއް ކަމަށެވެ. އަދި އެމަނިކުފާނަކީ ތަޖުރިބާ ލިބިގެން ނިކުނަވައިގެން ހުންނެވި ބޭފުޅެއް ކަމަށާއި ވާދަވެރި ފަރާތްތަކުން ކޮންމެ އެއްޗެއް ކިޔަސް ރައްދު ނުދެއްވާނެ ކަމަށެެވެ.
ތޯރިގް ވިދާޅުވީ ޑރ. މުޢިއްޒު ހުވާކުރެއްވުމަށްފަހު ކަންތައްތައް ކުރައްވާނީ އެކަމުގެ "ސޮލިއުޝަން"އެއް ހޯދުމަށް ކަމަށާއި ގައުމު ތަރައްގީ ކުރުމަށް އެމަނިކުފާނަށް އަށް އޮތް އެެންމެ ބޮޑު ހުރަހަކަށް ވާނީ ގައުމަށް ކުރިތިވެފައިވާ ދަރަނީގެ މައްސަލަ ކަމަށެވެ.
އަދި އިތުރު ހޯދުންތަކާއި ވިސްނުންތަކާއެކު އެކަމުން އަރައިގަތުމަށް ޑރ. މުޢިއްޒު މަސައްކަތް ކުރައްވާނެ ކަމަށާއި އެމަނިކުފާނުގެ ހައުސިން މިނިސްޓަރު ކަމުގެ ތަޖުރިބާއިން ވެސް މި ކަންތައްތައް ވަރަށް ރަނގަޅަށް ސާބިތު ކޮށްދީފައި ކަމަށް ތޯރިގް ވިދާޅުވިއެވެ.
Ads by STO
