ކޮވިޑް-19 ކޭސްތައް މާލޭގެ އިތުރުން 32 ރަށެއްގައި

މާލެ ސަރަހައްދުގެ އިތުރުން ޖުމްލަ 32 ރަށަކުން ކޮވިޑް-19 ގެ ކޭސްތައް ފެނިފައިވާ ކަމަށް އެޗްޕީއޭ އިން ހާމަކޮށްފިއެވެ.

Ads by Hajj Corporation

އަންގާރަ ދުވަހު އެޗްޕީއޭ އާންމުކުރި ތަފާސް ހިސާބުތަކުގައި ވާ ގޮތުން، އެ ދުވަހުގެ އިތު އޮއްސި 06:00 ޖެހުމާއި ހަމައަށް މާލޭގެ އިތުރުން 32 ރަށެއްގައި، 68 މީހަކު ވަނީ ކޮވިޑް-19 އަށް ފައްސިވެފައެވެ. އޭގެ ތެރޭގައި ހިމެނެނީ 58 ދިވެހިންނާއި 6 ބިދޭސީންނެވެ. މީގެ ތެރެއިން އެކަކު ފިޔަވާ ހުރިހާ އެންމެން ވެސް ބައްޔަށް ފައްސިވެފައިވަނީ ހޯމް ކަރަންޓީނުގައި ހުއްޓައެވެ.

ކޮވިޑް-19 ފެނިފައިވާ ރަށްތަކަށް ބަލާއިރު:

ކ. މާފުށި (2 ދިވެހިން)
ކ. ގުޅި (1 ދިވެއްސަކު)
ކ. ތުލުސްދޫ (2 ދިވެހިން)
ކ. ހިންމަފުށި (3 ދިވެހިން)
ކ. ދިއްފުށި (1 ދިވެއްސަކު)
ކ. ގުރައިދޫ (1 ދިވެއްސަކު)
ރ. އިނގުރައިދޫ (1 ދިވެއްސަކު)
ރ. ދުވާފަރު (4 ދިވެހިން)
ރ. ކިނޮޅަސް (1 ބިދޭސީއެއް)
ރ. ހުޅުދުއްފާރުން (2 ދިވެހިން)
ސ. ފޭދޫ (3 ދިވެހިން)
ސ. ހިތަދޫ (4 ދިވެހިންނާއި އެއް ބިދޭސީއެއް)
ސ. މަރަދޫ (1 ބިދޭސީއެއް)
ފ. ނިލަންދޫ (7 ދިވެހިން)
ހދ. ކުރިންބީ (1 ދިވެއްސަކު)
ނ. މިލަދޫ (2 ދިވެހިން)
އދ. މާމިގިލި (1 ދިވެއްސަކު)
އދ. އޮމަދޫ (1 ދިވެއްސަކު)
ވ. ކެޔޮދޫ (1 ބިދޭސީއެއް)
ވ. ތިނަދޫ (2 ދިވެހިން)
ތ. މަޑިފުށި (1 ދިވެއްސަކު)
ތ. ވިލުފުށި (1 ދިވެއްސަކު)
ތ. ތިމަރަފުށި (1 ދިވެއްސަކު)
ތ. އޮމަދޫ (4 ދިވެހިން)
ޅ. ހިންނަވަރު (2 ދިވެހިން)
ލ. ގަން (1 ދިވެއްސަކު)
ދ. ރިނބުދޫ (5 ދިވެހިން)
ފ. ދަރަނބޫދޫ (1 ބިދޭސީއެއް)
މ. މުލައް (3 ދިވެހިން)
ބ. އޭދަފުށި (1 ދިވެއްސަކު)
ފ. ބިލެއްދޫ (1 ދިވެއްސަކު)
ގއ. ވިލިނގިލި (1 ދިވެއްސަކު)

މީހުން ދިރިއުޅޭ ރަށްތަކުގެ އިތުރުން ރާއްޖޭގެ 10 ރިސޯޓަކުން ވެސް ވަނީ ކޮވިޑް-19 ގެ ކޭސްތައް ފެނިފައެވެ. މިގޮތުން މިވަގުތު ކޮވިޑް-19 އަށް ފައްސިވެފައިވާ 9 ފަތުރުވެރިއަކާއި 23 މުވައްޒަކު ރިސޯޓުތަކުގައި ތިބި ކަމަށް އެ އިދާރާއިން ވަނީ ހާމަކޮށްފައެވެ.

ރާއްޖެއިން ކޮވިޑް-19 ފެނުނުތާ 171 ދުވަސްވެފައިވާއިރު، މިހާތަނަށް 7,047 މީހަކު ވަނީ ވައިރަހަށް ފައްސިވެފައެވެ. މީގެ ތެރެއިން 4439 މީހަކު ބަލިން ރަނގަޅު ވެފައިވާއިރު، ބަލީގައި މިހާތަނަށް 28 މީހަކު ވަނީ ނިޔާވެފައެވެ.