އާސަންދައިގެ ޚަރަދު ކުޑަ ކުރުމަށް އައިޖީއެމްއެޗްގެ ޚިދުމަތްތައް ގިނަ ކުރުން މުހިންމު: ޒީނިޔާ
އާސަންދައިން ކުރާ ޚަރަދު ކުޑަ ކުރުމަށް ސަރުކާރުގެ ހޮސްޕިޓަލް އައިޖީއެމްއެޗްގެ ޚިދުމަތްތައް ގިނަކޮށް ފެންވަރު ރަނގަޅު ކުރުން މުހިންމު ކަމަށް އާސަންދަ ކުންފުނީގެ މެނޭޖިން ޑިރެކްޓަރު އާމިނަތު ޒީނިޔާ ވިދާޅުވެއްޖެއެވެ.
ޒީނިޔާ މިހެން ވިދާޅުވީ މަޖިލީހުގެ އެސްއޯއީ ކޮމިޓީގައި ވާހަކަދައްކަވަމުންނެވެ.
އެގޮތުން ޒީނިޔާ ފާހަގަކުރެއްވި ގޮތުގައި އާސަންދައިން ކުރާ ޚަރަދު ކުޑަ ކުރުމަށް އެންމެ މުހިންމީ ސަރުކާރުގެ ހޮސްޕިޓަލް އައިޖީއެމްއެޗްގެ ޚިދުމަތްތައް ގިނަކޮށް ފެންވަރު ރަނގަޅު ކުރުން ކަމަށެވެ.
ހަމަ އެހެންމެ ޚަރަދު އިތުރުވުމާ ގުޅޭގޮތުން ޒީނިޔާ ވިދާޅުވީ ގިނަ ފަހަރު އެ ކަން ވެގެން ދަނީ ހަރުދަނާ އުސޫލެއް ބައެއް ކަންކަމުގައި ނުހެދި އޮތުމުން ކަމަށެވެ.
މިގޮތުން އެއް ބޭސް ސިޓީއަކަށް ތަކުރާރުކޮށް ބޭސް ގަތުމުގެ މައްސަލަ ޒީނިޔާ ވަނީ ފާހަގަކުރައްވާފައެވެ.
އާސަންދައިން ކަވަރުކުރާ ކަންކަމުގައި ފައިނަލް ބިލު އަންނައިރު ޕްރައިވެޓް ހޮސްޕިޓަލްތަކުން ފޯރުކޮށްދޭ ޚިދުމަތުގައި އިންތިހާއަށް ބޮޑުކޮށް އޮންނަ އަގު ކޮންޓްރޯލު ކުރެވޭނެ ގޮތެއް ނޯންނަ ކަމަށްވެސް ޒީނިޔާ ވަނީ ފާހަގަކުރައްވާފައެވެ.
ރައީސް ޑރ. މުހައްމަދު މުޢިއްޒުގެ ސަރުކާރުން އާސަންދަ ކަވަރޭޖުގައި ހިމަނާފައިވާ މެޑިކަލް ޗެކަޕަށް އިޝާރަތް ކުރައްވާ ޒީނިޔާ ވިދާޅުވީ އަހަރަކު ދެ ފަހަރު މެޑިކަލް ޗެކަޕް ހެދޭހެން ފުރުސަތު ދިނުމަކީ އެންމެ ރަނގަޅު ގޮތް ނޫން ކަމަށެވެ.
އޭގެ ބަދަލުގައި ހެލްތު ސްކްރީނިންގެ ތެރެއިން އިޝޫއެއް އައިޑެންޓިފައި ވެއްޖެނަމަ ފުލް ޗެކަޕަކަށް ދާ ކަހަލަ ގޮތަކަށް ހެދުން ރަނގަޅު ކަމަށެވެ.
މީގެ އިތުރުން ޒީނިޔާ ވިދާޅުވީ ދަރިމައިވުމުގެ މައްސަލަތަކަށް ދޭ ފަރުވާ އާސަންދައިން ފުލް ކަވަރޭޖު ލިބޭ ގޮތަށް ހެދުމަކީ މިހާރު ކަނޑައެޅިފައިވާ ބަޖެޓުގެ ތެރެއިން ހަމަޖެއްސިދާނެ ފަރުވާއެއް ކަމަށެވެ.
އަދި އެކަމަށް އިތުރު ޚަރަދުތަކެއް ހިނގާނެ ކަމަށް ނުބެލެވޭ ކަމަށް ޒީނިޔާ ވަނީ ފާހަގަކުރައްވާފައެވެ. ނަމަވެސް މި ކަންކަން އިމްޕްލިމެންޓް ކުރެވޭނީ މި ސްކީމްތަކުގެ ގަވައިދު އިސްލާހު ކުރުމުން ކަމަށް ޒީނިޔާ ވަނީ ވިދާޅުވެފައެވެ.
އައިޖީއެމްއެޗްގެ ޔޫރޯ ޑިޕާޓްމަންޓްއަކީ ދުވަހަކުވެސް ތަރައްޤީ ކުރެވުނު ތަނެއްނޫނެވެ. އެތަނަކީ އިންޑިއާއަށް ބަލިމީހުން ފޮނުވަން އެޖެންޓުން ތިބޭތަނެކެވެ.
ޚިދުމަތް ފުޅާކުރަނި ކިހިނެއް، އެންމެންވެސް އުޅެނި ލިބޭ މުސާރަ ކޮޅަށް.
ރަނގަޅުކުރަންހުރި ކަންކަންބައިވަރު…. ވާނެތަ!
އެއްކަމަކަށް ސިއްޚީޚިދުމަތުގެ އަގުތަށް ކޮންޓްރޯލް ކޮށްލަބަލަ.