ޗައިނާގެ އެހީގައި ރަސްމާލޭގައި 30،000 ހައުސިންގ ޔުނިޓް ތަރައްޤީކުރަނީ

ތިމާވެއްޓާ ރައްޓެހި ޒަމާނީ ސިޓީއެއްގެ ގޮތުގައި މި ސަރުކާރުން ތަރައްގީ ކުރަން ނިންމާފައިވާ ރަސްމާލޭގައު 30،000 ގެދޮރު ޗައިނާގެ އެހީގައި ބިނާކުރާނެ ކަމަށް ސަރުކާރުން ބުނެފިއެވެ.

Ads by MWSC

ހައުސިން މިނިސްޓްރީން ވިދާޅުވީ ޗައިނާގެ އެހީގައި ރަސްމާލޭގައި 30،000 ގެދޮރު ބިނާކުރަން ނިންމާފައިވާ ކަމަށެވެ. ނަމަވެސް މިކަމާ ބެހޭ އިތުރު ތަފުސީލެއް އަދި ސަރުކާރުން ހާމަކޮށްފައެއް ނުވެއެވެ.

މި 30،000 ހައުސިން ޔުނިޓް ތަރައްޤީކުރުމުގެ މަސައްކަތް ކުރިއަށް ގެންދާނީ ފިޔަވަހިތަކަކަށް ބަހާލައިގެން ނޫންނަކަމަށާއި އެ މަސައްކަތް ކުރިއަށްދާނީ އެއްފަހަރާ ހުރިހާ ޔުނިޓްތަކެއްގެ މަސައްކަތް ކުރިއަށްދާގޮތަށްކަމަށް މިނިސްޓްރީން ވިދާޅުވިއެވެ.

ރައީސް މުޢިއްޒުގެ އަމާޒަކީ ކުރިއަށް އޮތް 20 އަހަރަށް އަމާޒުކޮށްގެން 65000 ގެދޮރު ޔަޤީންވާނެގޮތަށް ރަސްމާލޭ މަޝްރޫޢު ކުރިއަށްގެންދިޔުމަށެވެ.