ވެހިކަލް ތެރޭގައި މަރުވެފައި އޮތް މީހާގެ މަރުގައި ޝައްކު ކުރެވޭ ކަމެއް ނެތް: ފުލުހުން

ހުޅުމާލޭގައި ޕާކުކޮށްފައި އޮތް ކާރެއްގެ ތެރޭގައި މަރުވެފައި އޮއްވާ ފެނުނު މީހާގެ މަރުގައި ޝައްކު ކުރެވޭ ކަމެއް ފެނިފައިނުވާ ކަަމަށް ފުލުހުން ބުނެފި އެވެ.

Ads by MWSC

ހުޅުމާލެ ސަހަރާ ކުރިމަތީ މަގުގައި ޕާކްކޮށްފައި އޮތް އުޅަނދެއްގެ ތެރެއިން ޚަބަރު ހުސްވެފައި އޮތް މީހަކު ފެނިފައިވަނީ އިއްޔެގެ ވަގުތެއްގަ އެވެ.

ހުޅުމާލެ ހޮސްޕިޓަލާއި ހަވާލާދީ ފުލުހުން ބުނީ، އެމީހާ ހޮސްޕިޓަލަށް ގެންދިޔައިރުވެސް އޮތީ މަރުވެފައި ކަމަށެވެ.

ފުލުހުން ބުނީ އޭނާގެ މަރުގައި ތުހުމަތު ކުރެވޭ ފަދަ އެއްވެސް ކަމެއް މިހާތަނަށް ބެލި ބެލުމުން ފެނިފައި ނުވާ ކަމަށެވެ. އެމީހާގެ ހަށިގަނޑާމެދު އަމަލުކުރާނެ ގޮތަކާމެދު އާއިލާއާ މަޝްވަރާކުރެވެމުންދާ ކަމަށް ފުލުހުން ބުނެ އެވެ.

އެމީހާއަކީ ބަންގްލަދޭޝަށް ނިސްބަތްވާ މީހެކެވެ.