މި މަހުގެ 20 ވަނަ ދުވަސް ސަރުކާރު ބަންދު ދުވަހެއްގެ ގޮތުގައި ކަނޑައަޅައިފި
މި މަހުގެ 20 ވާ ބުރާސްފަތި ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅައިފިއެވެ.
ރައީސް އޮފީހުން ބުނީ ކުރިން ހަމަޖެހިފައިވާ ގޮތުން މި މަހުގެ 20 ވާ ބުރާސްފަތި ދުވަހަކީ ބަންދު ދުވަހެއް ކަމުގައި ބަލައިގެން ގިނަ އަދަދެއްގެ މުވައްޒަފުން އީދު ބަންދުގައި ރާއްޖެއިން ބޭރަށާއި އަދި ރަށްރަރަށް ދަތުރުރުތައް ހަމަޖައްސާފައިވާ ކަމަށެވެ.
އެހެންކަމުން އީދު 20 ވަނަ ދުވަހު ސަކުރާކުގެ އޮފީސްތައް ހުޅުވައިފިނަމަ، ވަރަށް ގިނަ މުވައްޒަފުންނަށް ދަތިވާނެ ކަމަށް ފެންނިވަޑައިގަންނަވާތީ ރައީސް ޑރ. މުހައްމަދު މުއިއްޒު ވަނީ އެ ދުވަހަކީ ބަންދު ދުވަހެއްގެ ގޮތުގައި ކަނޑައަޅުއްވާފައިވާ ކަމަށެވެ.
އީދު ބަންދަށްފަހު ސަރުކާރު ހުޅުވޭނީ މި މަހުގެ 23ވާ އާދިއްތަ ދުވަހުއެވެ.
މި އަހަރުގެ ޢަރަފާތު ދުވަހަކީ މި ހިނގާ ޖޫންމަހުގެ 15ވާ ހޮނިހިރު ދުވަހެވެ. އަދި އަޟްޙާ ޢީދު ދުވަހަކީ 16 ޖޫންވާ އާދިއްތަ ދުވަހެވެ.
