ޕޮލިސް އެކެޑެމީ އިމާރާތް ކުުރުމަށް އިންޑިއާ އިން އައި ބަޔަކު ކޮވިޑަށް ފައްސި ވެއްޖެ
އިންޑިއާ ސަރުކާރުގެ އެހީގައި އައްޑޫ ސިޓީގައި އިމާރާތް ކުރަމުން އަންނަ ޕޮލިސް އެކަޑެމީގެ މަސައްކަތް ކުރުމަށް އިންޑިއާއިން އައި ގިނަ ބަޔަކު ކޮވިޑް-19 އަށް ފައްސި ވެއްޖެއެވެ.
މި އިމާރާތް ކުރުމުގެ މަސައްކަތް ކުރުމަށް ޓަކައި އައްޑޫއަށް އިންޑިއާގެ ކޮޗިން އިން 128 މީހުން އައިސްފައިވާއިރު މިމީހުންގެ ތެރެއިން ގިނަ ބަޔަކު ކޮވިޑް-19 އަށް ފައްސިވެފައި ވާކަން ފާހަގަ ކުރެވެއެވެ.
އިންޑިއާއިން ރާއްޖެއަށް އައިސް އެމީހުން މިހާރު ތިބީ އައްޑޫ ސިޓީ ގަމުގައި ހުންނަ ދޫގަސް ކަރަންޓީން ފެސިލިޓީގައެވެ. އެ މީހުން ފައްސިވީ ކަރަންޓީންގެ މުއްދަތު ހަމަކުރުމަށްފަހު ކޮވިޑް-19 އަށް އިއްޔެ ޓެސްޓް ކުރުުންނެވެ.
އައްޑޫ ސިޓީގައި ހޮނިހިރު ދުވަހާއި އާދީއްތަ ދުވަހު ރެންޑަމް ސާމްޕަލްތަކެއް ނަގާފައިވާއިރު ނެގި 272 ސާމްޕަލްވެސް ކޮވިޑް-19 އަށް ނައްސިވެފައި ވާކަން ފާހަގަ ކުރެވެއެވެ. ރާއްޖޭގައި ކޮވިޑް-19 ޖެހޭ މީހުންގެ އަދަދު މިހާރު މަދުވަމުން އަންނަކަން ވެސް ފާހަގަ ކޮށްލެވެއެވެ.
Ads by STO
