ކޮވިޑް-19: ކުޅުދުއްފުށި އަނެއްކާވެސް މޮނީޓަރިންގ އަށް
ހދ. ކުޅުދުއްފުށިން ކޮވިޑް-19 ގެ ފައްސި ކޭހެއް ފެނުމާ ގުޅިގެން އެރަށް އަނެއްކާ ވެސް މޮނީޓަރިންގ އަށް ލައިފިއެވެ.
ކުޅުދުއްފުށި މޮނީޓަރިންގެ ހާލަތަށް ލާފައިވާކަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ އެރަށު ކައުންސިލަށް ލިޔުމަކުން އަންގާފައެވެ.
އެލިޔުމުގައި އެޗްޕީއޭއިން ބުނެފައިވަނީ ކޮވިޑް-19 އާ ގުޅިގެން ސިއްހީ ގޮތުން އިތުރަށް ބަލަންޖެހޭ ކަންކަން ބެލުމަށް ކުޅުދުއްފުށި މޮނިޓަރިންނަށް ލާފައިވާ ކަމަށެވެ.
މޮނީޓަރިންގެ ހާލަތުގައި އޮންނައިރު އެ ރަށުގައި މިވަގުތު ތިބި އެއްވެސް މީހަކު އެޗްޕީއޭ އިން ވަކިގޮތެއް އަންގަންދެން ރަށުން ފޭބުމާއި، ހުއްދަނެތި އެއްވެސް މީހަކު ރަށަށް އެރުން މިހާރު ވަނީ މަނާ ކޮށްފައެވެ.
މައުލޫމާތު ލިބޭގޮތުގައި ކުޅުދުއްފުށި މޮނިޓަރިންނަށް ލާފައި ވަނީ އެރަށު ޕޮލިސް ސްޓޭޝަނުގައި މަސައްކަތްކުރާ ފުލުހަކު މިއަދު ކޮވިޑް-19 އަށް ފައްސި ވުމާއި ގުޅިގެންނެވެ.
