މާރާމާރީއެއް ނުހިންގަން! ވީތަދުން ބުނެވުނު، މިހާ އަނިޔާވެރިކޮށް ސާމްޕަލް ނަގާކުދިން ބައިތިއްބަން ނުވާނެޔޭ: އިކްރާމް
މާފަންނު މަދަރުސާ ތެރޭގެ ތެރޭގައި ހުރި ފްލޫ ކްލިނިކް ތެރޭގައި ކޮވިޑް-19 އަށް ޓެސްޓު ކުރުމަށް ސާމްޕަލް ނަގާ ކުއްޖަކަށް ދިއްގަރު ދާއިރާގެ މެންބަރު އިކްރާމް ހަސަން ހަމަލާދީ މާރާމާރީ ހިންގިކަމަށް ބުނެ ކުރަމުންދާ ތުހުމަތުތައް އެމަނިކުފާނު ދޮގު ކުރައްވައިފިއެވެ.
މާފަންނު މަދަރުސާާގެ ތެރޭގައި އާރްއާރްޓީގެ ސާމްޕަލް ނަގާ ކުއްޖަކަށް އިކްރާމް ހަަމަލާދީ މާރާމާރީ ހިންގިކަމަށް "އެމްވީ ކްރައިސިސް"ގެ ފޭސްބުކުގައި ލިޔެފައިވާ ޕޯސްޓެއް އަމިއްލަ ފޭސްބުކް އެކައުންޓުގައި ހިއްސާ ކުރައްވަމުން އިކްރާމް ވިދާޅުވީ މާރާމާރީ ނުހިންގާ ކަމަށެވެ.
އެޕޯސްޓުގައި އިކްރާމް ވިދާޅުވީ މާފަންނު މަދަރުސާގައި ސާމްޕަލް ނަގަން ހުރި ކުއްޖާ ނޭފަތުގެ ތެރެއަށް ސާމްޕަލް ނަގާ އެތި ލައްވާ، ތަޅުވައިގަތުމުން އެ ކަފަބުރު ނޭފަތުން ނެރުމަށް ޓަކައި މޫނާއި އެކުއްޖާގެ އަތް ދުރަށް ލި ކަމަށެވެ. އަދި ވަރަށް ރުޅި އައިސް މިހެން ސާމްޕަލް ނަގާ ކުދިން ސާމްޕަލް ނަގަން ބައިތިއްބަން ނުވާނެ ކަމަށް ބުނެވުނު ކަމުގައި އިކްރާމް ވިދާޅުވިއެވެ.
ކަންވީ ގޮތް އިތުރަށް ތަފްސީލް ކޮށްދެއްވަމުން އިކްރާމް ވިދާޅުވީ، އެކުއްޖާއަށް ކިޔަނީ ކޮންނަމެއްތޯ ވެސް އެވަގުތު އެހުނު ކަަމަށާއި އެހެން ނަމަވެސް އެކުއްޖާ ނަން ނުބުނި ކަމަށެވެ. އަދި އެތަނުގައި އެއަށްވުރެ ބޮޑު ކަމެއް ނުހިނގާ ކަމަށާއި އެތަނުގައި ކެމެރާ ހުރި ނަމަ އެކެމެރާތަކުން ކަން ހިނގާ ދިޔައީ މިގޮތަށް ނޫންތޯ ބެއްލެވުމަށް އިކްރާމް ވިދާޅުވިއެވެެ.
މީގެ އިތުރުން އިކްރާމް ވިދާޅުވީ، މީގެ ކުރިންވެސް ޕީސީއާރު ޓެސްޓެއް އައިޖީއެމްއެޗް އިން ހެދި ކަމަށާއި އެ ޓެސްޓު ހެދި އިރު އެތަނުގައި ތިބި ކުދިން ވަރަށް އޯގާތެރިކަމާއެކު އެކަން ކޮށްދިން ކަމަށެވެ. އަދި މިހާތަނަށް މާރާމާރީގެ މައްސަލައެއްގައި ޕޮލިސް ރިކޯޑެއް ނޯންނާނެ ކަމުގައި އިކްރާމް ފާހަގަ ކުރެއްވިއެވެ.
"އަޅުގަނޑު ގަބޫލު ކުރާ ގޮތުގައި އެއަށްވުރެ އޯގާތެރިކަމާއެކު ވެސް ޕީސީއާރު ޓެސްޓަށް ސާމްޕަލް ނެގޭނެ" ފޭސްބުކްގައި ކުރެއްވި ޓްވީޓް ނިންމާލަމުން އިކްރާމް ވިދާޅުވެފައި ވަނީ މިހެންނެވެ.
އާރްއާރްޓީގެ މުވައްޒަފުންނަކީ މިއަދު ވަރަށް ގިނަ ބައެއްގެ އިހްތިރާމް ލިބިފައިވާ ބައެކެވެ. ރެޔާއި ދުވާލު އެ މުވައްޒަފުން ކުރާ މަސައްކަތަކީ ގައުމަށްޓަކައި ކޮށްދޭ ވަރަށް މަތިވެރި މަސައްކަތެއް ކަން ގައިމެވެ.
ވާގޮތަކީ އެމް.ޕީ އަކަށްވީމަ ތިމާގެ ސައިޒް އޮޅެނީ.
ރަނގަޅަށް ވިއްޔާ މިހާރު ހުންނާނީ ފައްސިވެ ނައްސިވެ އައްސިވެ ފޮއްސިވެ އޮއްސިފަ.