އަޅުގަނޑަށް ވީވަރަކުން މެންބަރުންގެ ކުދިން ބަލައިދޭނަން: ރައީސް ނަޝީދު
މައިންގެ ކޮޓަރިއެއް ރައްޔިތުންގެ މަޖިލީހުގައި ފުރަތަމަ ފަހަރަށް ގާއިމު ކުރެވި މެންބަރުން މަޖިލީހުގެ މަސައްކަތަށް ވަޑައިގަންނަވާއިރު އެ މެންބަރުންގެ ތުއްޕުޅު ބޭފުޅުން ބެލެހެއްޓޭނެ އިތުރު ގޮތެއް ނެތް ނަމަ މަޖިލީހުގެ އިދާރާއަށް ގެންނަވައިގެން ބެލެހެއްޓޭނެ އިންތިޒާމެއް މިއަދު ވަނީ ހަމަޖައްސަވާފައެވެ.
މަޖިލީހުގެ މިއަދުގެ ޖަލްސާގައި އެއިންތިޒާމު ހަމަޖައްސާފައިވާކަން އިއުލާން ކުރައްވާ ވާހަކަފުޅު ދައްކަވަމުން ދައްކަވަމުން މަޖާޒީ ރާގަކަށް މަޖިލީހުގެ ރައީސް މުހައްމަދު ނަޝީދު ވިދާޅުވީ އެމަނިކުފާނަށް ވީވަރަކުން އެކުދިން ބައްލަަވަމުން ގެންދަވާނެ ކަމުގައެވެ. އަދި ހަމަ އެހެންމެ އެކޮޓަރީގައި މެންބަރުންގެ ތުއްޕުޅު ބޭފުޅުންނަށް ކުޅެވޭނެ އިންތިޒާމް ވެސް ހަމަޖެހިފައި ހުންނާނެ ކަމަށެވެ.
އެމަނިކުފާނުގެ ވާހަކަފުޅުގައި އިތުރަށް ވިދާޅުވީ މަޖިލީހުގައި އެފަދަ އިންތިޒާމެއް ހަމަޖެހުނު ނަަމަވެސް ރަނގަޅު ގޮތަކީ އާއިލާގެ ގާތުގައި ކުދިން ބޭތިއްބުން ކަމަށެވެ.
"އެނގިވަޑައިގަންނަވާނެ މައިންގެ ކޮޓަރިއެއް މިހާރު މަޖިލިހުގައި ހުންނާނެ. މިއަދު އަޅުގަނޑުމެންނަށް އެ ކޮޓަރީގެ ބޭނުންކުރަން ފެށޭނެ. އެހެންވީމާ އެއްވެސް ބޭފުޅެއްގެ ކުޑަކުދިން ވަގުތުކޮޅަކަށް އެހެން ތަނަކަށް ފޮނުއްވެވެން ނެތް ކަމަށް ވަނީ ވިއްޔާ މަޖިލީހުގައި އިރާދަކުރެއްވިއްޔާ މިހާރު އެ ކުދިން ބެލެހެއްޓޭނެ މައިންގެ ކޮޮޓަރީގައި،"
ހަމައެހެންމެ މާބަނޑު އަންހެން މެންބަރުންނަށްވެސް ފަސޭހަވާނޭހެން މަޖިލީހުގެ އިންތިޒާމް ބަދަލު ކުރައްވާނެ ކަމުގައި އެމަނިކުފާނުގެ ވާހަކަފުޅުގައި ފާހަގަ ކުރެއްވިއެވެ.
އައްނި ޑޭ ކެޔާ