ނޫސްވެރިކަމުގެ ނަމުގައި އަބުރު ކަތިލުމަކީ ކޮށްގެންވާނެ ކަމެއް ނޫން: ޕީޖީ ޝަމީމް
ނޫސްވެރިކަމުގެ ނަމުގައި އަބުރުކަތިލުމަކީ ކޮށްގެން ވާނެ ކަމެއް ނޫން ކަމަށާއި އެއީ ބަލައިގަނެވޭނެ ކަމެއް ނޫން ކަމުގައިވެސް ޕްރޮސެކިއުޓާ ޖެނެރަލް (ޕީޖީ) ޙުސެއިން ޝަމީމް ވިދާޅުވެއްޖެއެވެ.
ޕީޖީ ޝަމީމް މިހެން ވިދާޅުވެފައިވަނީ "ނޫސްވެރިކަމުގެ އަސާސީ ޕްރޮގްރާމް 2020" ނިންމުމުގެ ގޮތުން ވާޗުއަލްކޮށް މިއަދު ބޭއްވި ރަސްމިއްޔާތެއްގައި ވާހަކަ ދައްކަވަމުންނެވެ.
އެގޮތުން ޕީޖީ ޝަމީމް ވިދާޅުވީ މިނިވަން ނޫސްވެރިކަމަކީ މިނިވަން ޑިމޮކްރަސީއެއްގައި ކަށަވަރު ކޮށްދޭންޖެހޭ އެންމެ މުހިންމު އެއް އަސާސު ކަމަށާއި ނޫސްވެރިކަމުގެ ހައްގަކީ ވަރަށް ބޮޑު ބާރެއްކަމަށެވެ.
" އެބާރު ބޭނުން ކުރާއިރު އެއްވެސް ހަމައެއް ނެތި ބޭނުން ކުރުމަކީ ކޮށްގެންވާނެ ކަމެއް ނޫން. ނޫސްވެރިކަމުގެ އަސާސީ ހައްގާއިއެކު ޒިންމާތަކެއްވާ ކަން ގަބޫލުކުރަންޖެހޭ. ގާނޫނުއަސާސީގައި ވެސް ކޮންމެ ރައްޔިތަކަށް އަބުރު ރައްކާތެރިކުރުމުގެ މިނިވަންކަން ލިބިގެންވާކަން ބަޔާންކޮށްފައިވޭ. އެހެން ކަމުން ނޫސްވެރިކަމުގެ މިނިވަންކަމުގެ ނަމުގައި މީހުންގެ އަބުރު ކަތިލާ މީހުންނާ މެދު ނުބައި ތަސައްވުރެއް އުފެދޭގޮތަށް ވާހަކަދެއްކުމަކީ ކޮންގެން ވާނެ ކަމެއް ނޫން" ޕީޖީ ޝަމީމް ވިދާޅުވި އެވެ.
Ads by STO
