ކޮވިޑް19: މާލެ ސަރަހައްދުގައި އަޅާފައިވާ ފިޔަވަޅުތަކަށް ލުއިތަކެއް ދީފި

ކޮވިޑް-19 އިން ރައްކާތެރިވުމަށް މާލެ ސަރަހައްދުގައި އަޅާފައިވާ ބައެއް ފިޔަވަޅުތަކަށް ލުއިތަކެއް ދީފިއެވެ.

Ads by STELCO

އެޗްޕީއޭއިން ދެންމެ ގެޒެޓްގައި ޝާއިއުކޮށްފައިވާ އިޢުލާނެއްގައި މި ލުއިތައް ވަނީ ތަފްސީލް ކޮށްދެއްވާފައެވެ.

އެޗްޕީއޭ އިން ދީފައިވާ ދީފައިވާ ލުއިތަކުގެ ތެރޭގައި:

1. ހެލްތު ޕްރޮޓެކްޝަން އެޖެންސީގެ ގައިޑްލައިންތަކާ އެއްގޮތަށް، ޔޫތު މިނިސްޓްރީން ކަނޑައަޅާ ގޮތެއްގެމަތިން މުބާރާތްތައް ފިޔަވައި، ކޮންޓެކްޓް ސްޕޯޓްސް އާއި އައުޓްޑޯ ކުޅިވަރުތައް ކުޅުމަށް ހުޅުވައިލުން.
2 .ހެލްތު ޕްރޮޓެކްޝަން އެޖެންސީގެ ގައިޑްލައިންތަކާ އެއްގޮތަށް، ވިޔަފާރިކުރާ ތަންތަނާއި ކާބޯތަކެތީގެ ޚިދުމަތްދޭ ތަންތަން، އެކަމާ ގުޅޭ އިދާރާތަކުން ކަނޑައަޅާ ގޮތެއްގެ މަތިން ހުޅުވުން.
3 .އެއްފަހަރާ 15 މީހުންނަށްވުރެ ގިނަ ނުވާ ގޮތަށް ކުޅިވަރުތައް ބަލަން ދިޔުން.
4 .ހެލްތު ޕްރޮޓެކްޝަން އެޖެންސީގެ ގައިޑްލައިންތަކާ އެއްގޮތަށް، ޕާކުތަކާއި މައިޒާންތަކާއި ދާރުލް އާސާރުތަކާއި އާންމުން އެއްވެ އުޅޭ ތަންތަން ހުޅުވައިލުން.
5 .ގޭގައި މަސައްކަތް ކުރާގޮތަށް އޮފީސްތަކުން ހަމަޖައްސާފައިވާ ހައި ރިސްކު ފަރާތްތައް ރައްކައުތެރިކަމުގެ ފިޔަވަޅުތަކާއެކު އޮފީސްތަކަށް ނިކުމެ މަސައްކަތްކުރުން.

މީގެ އިތުރުން މާލެ ތޭރޭގައި އުޅެވޭ ވަގުތުތައް ވެސް ވަނީ އިތުރު ކޮށްފައެވެ. މިގޮތުން، މާލެ، ހުޅުމާލެ، ވިލިމާލޭގައި ރޭ ގަނޑު 12:00 އިން ފެށިގެން ފަތިހު04:00  އަށް، އެއްގަމު އުޅަނދުފަހަރު ދުއްވުމާއި، މަގުމައްޗާއި އާންމު ތަންތަނަށް ނުކުތުން މަނާ ކޮށްފައިވާއިރު، މީގެ ކުރިން ދަންވަރު 11 ގެ ފަހުން މަގުމައްޗަށް ނިކުތުން ވަނީ މަނާ ކޮށްފައެވެ.