އިތުރު ދައުރަކަށް ކުރިމަތިލުމަށް ވިސްނަވައިގެން ވެރިކަމަށް ވަޑައިގެންނެވުމަކީ ކުރެވޭނެ އެންމެ ގޯސް އެއް ކަންތައް- ރައީސް
އިތުރު ދައުރަކަށް ކުރިމަތި ލެއްވުމުގެ ވިސްނުމުގައި ވެރިކަމަށް ވަޑައިގެންނެވުމަކީ ކުރެވޭނެ އެންމެ ގޯސް އެއް ކަންތައް ކަމަށް ރައީސުލްޖުމްހޫރިއްޔާ އިބްރާޙިމް މުޙައްމަދު ސޯލިޙު ވިދާޅުވެއްޖެއެވެ.
ރާއްޖެޓީވީގެ ޕްރޮގްރާމެއްގައި ވާހަކަފުޅު ދައްކަވަމުން ރައީސް ވިދާޅުވީ، އިތުރު ދައުރަކަށް ކުރިމަތިލުމަށް ވިސްނަވައިގެން ވެރިކަމަށް ވަޑައިގެންނެވުމަކީ ކުރެވޭނެ އެންމެ ގޯސް އެއް ކަންތައް ކަމަށެވެ. އެ ހުންނެވި ދައުރެއްގައި ވިސްނަން ޖެހޭނީ ރައްޔިތުންނަށް ޚިދުމަތެއް ފޯރު ކޮށްދެއްވުމަށް ކަމަށް ރައީސް ވިދާޅުވިއެވެ.
މީގެ އިތުރުން އެމްއެމްޕީއާރްސީގެ ޚިޔާނާތުގެ މައްސަލައާއި ގުޅޭގޮތުން ކުރެއްވި ސުވާލަކަށް ޖަވާބުދެއްވަމުން ރައީސް ވިދާޅުވީ ޚިޔާނާތުގެ ފައިސާ އެއްވެސް މިންވަރެއްގައި ލިބިވަޑައިގެންފައި ނުވާކަމަށެވެ. އަދި ކުރީގެ ނައިބް ރައީސް އަހުމަދު އަދީބާ ބައްދަލުވެވަޑައިގެން ނަމަވެސް އެއްވެސް އިރެއްގައި ފައިސާއެއްގެ ވާހަކައެއް ދެކެވިފައިނުވާނެ ކަމުގެ ޔަޤީންކަން ރައީސް ސޯލިޙު ދެއްވިއެވެ.
މަނިކުފާނަކަށް މި ދައުރަކާ ދޭތެރޭވެސް ޔަޤީންކަމެއް ނޯންނާނެ. އަމިއްލަ ބާރުނެތެެއްނޫންތޯ؟ ދެން ކުރިޔަށް އޮތް ދައުރާ ދޭތެރޭ ކޮން ވިސްނުމެއްތޯ ގެންގުޅުއްވޭނީ.